భారీ ధరకు అమ్ముడుపోయిన మహేష్ స్పైడర్ మూవీ థియేటర్ రైట్స్!

కమర్షియల్ డైరక్టర్ మురుగదాస్ డైరెక్షన్లో సూపర్ స్టార్ మహేష్ బాబు నటిస్తున్న ‘స్పైడర్’ సినిమా   షూటింగ్ మొత్తం కంప్లీట్ చేసుకున్న సంగతి తెలిసిందే. ఫస్ట్ కాపీ రాకముందే ఈ సినిమా బిజినెస్ పూర్తి అయినట్లు తెలిసింది. తెలుగు థియేటర్ రైట్స్ వందకోట్లకు అమ్ముడు పోయినట్లు సమాచారం. ఇక తమిళ వెర్షన్ 25 కోట్లు, హిందీ, మలయాళం కలిపి 25 కోట్లు అమ్ముడుపోయినట్లు ఫిలిం నగర్ వాసులు చెబుతున్నారు.

తాజాగా కర్ణాటక డిస్ట్రిబ్యూటర్స్ పోటీ పడి ఈ సినిమా థియేటర్స్ రైట్స్ ని 10.8 కోట్లకు సొంతం చేసుకున్నట్లు తెలిసింది. ఇదివరకు మహేష్ బాబు ఏ చిత్రం కర్ణాటకలో ఇంత ధర పలకలేదు. ఈసారి భారీ ధరకు అమ్ముడుపోవడంతో స్పైడర్ ఫీవర్ బాగానే ఉన్నట్లు అనిపిస్తోంది. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై ఎన్.వి.ప్రసాద్ నిర్మిస్తున్నఈ మూవీ తమిళ ఆడియో రిలీజ్ వేడుకను చెన్నై లో సెప్టెంబర్ 10 న నిర్వహించనున్నారు. తెలుగు ఆడియో రిలీజ్ తేదీ ఇంకా ప్రకటించలేదు.  మహేష్ ఇంటెలిజెన్స్ ఆఫీసర్ గా నటిస్తున్న ఈ సినిమా ప్రపంచవ్యాప్తంగా  సెప్టెంబర్ 27 న రిలీజ్ కానుంది.

Also, do SUBSCRIBE to our YouTube channel to get latest Tollywood updates.