మహేష్ ఫ్యాన్స్ ని మెస్మరైజ్ చేయడానికి రెడీ అవుతున్న స్పైడర్ టీజర్

సూపర్ స్టార్ మహేష్ బాబు, కమర్షియల్ డైరక్టర్ మురుగదాస్ కాంబినేషన్లో వస్తున్న స్పైడర్ రెండు పాటలు మినహా షూటింగ్ దాదాపు పూర్తి అయింది. ఇన్వెస్ట్ గేషన్ ఆఫీసర్ గా మహేష్ నటిస్తున్న ఈ మూవీ టీజర్ లండన్లో రెడీ అవుతోంది. ఈ టీజర్ ని సూపర్ స్టార్ కృష్ణ పుట్టిన రోజైన మే 31 న రిలీజ్ చేయాలనీ చిత్ర బృందం డిసైడ్ అయింది. ఈ విషయంలో మార్పు లేదు. అయితే ఈ టీజర్ 59 సెకన్లు మాత్రమే ఉంటుందని తెలిసింది.

నిడివి తక్కువ అయినా ఇందులోని షాట్స్ అభిమానులను ఆశ్చర్యపరుస్తుందని, మహేష్ సాహసాలతో పాటు స్పెషల్ ఎఫెక్ట్స్ అందరినీ మెస్మరైజ్ చేస్తుందని సమాచారం. ఏక కాలంలో తెలుగు, తమిళ భాషల్లో తెరకెక్కుతున్న ఈ సినిమాలో ప్రిన్స్ సరసన ఫిట్ బ్యూటీ రకుల్ ప్రీత్ సింగ్ నటిస్తోంది. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పీ, రిలయన్స్ ఎంటర్టైన్మెంట్ పతాకాలపై  ఎన్.వి.ప్రసాద్ వందకోట్ల బడ్జెట్ తో నిర్మిస్తున్న ఈ చిత్రం సెప్టెంబర్ లో థియేటర్లోకి రానుంది.

Also, do SUBSCRIBE to our YouTube channel to get latest Tollywood updates.