భారీ ధరకు అమ్ముడుపోయిన స్పైడర్ శాటిలైట్ రైట్స్!

సూపర్ స్టార్ మహేష్ బాబు తొలిసారిగా చేస్తున్న ద్విభాషా చిత్రం స్పైడర్ ఫస్ట్ లుక్ నిన్న రిలీజ్ అయి  ఆకట్టుకుంటోంది. తమిళ డైరక్టర్ ఏఆర్ మురుగదాస్ దర్శకత్వంలో తెరకెక్కుతోన్న ఈ మూవీ  రెండు పాటలు మినహా చిత్రీకరణ పూర్తి చేసుకుంది. ఇన్వెస్ట్ గేషన్ ఆఫీసర్ గా ప్రిన్స్ నటిస్తున్న ఈ చిత్రంపై అంచనాలు భారీ స్థాయిలో ఉండడంతో థియేటర్ హక్కులను సొంతం చేసుకోవడానికి డిస్ట్రిబ్యూటర్లు ప్రయత్నాలు చేస్తున్నారు. ఇక శాటిలైట్ రైట్స్ కోసం కొన్నాళ్లుగా సంప్రదింపులు సాగాయి.

చివరికి ఒక ప్రముఖ ఛానల్ వాళ్ళు తెలుగు, తమిళం, హిందీ భాషలను కలుపుకొని 26 కోట్లు శాటిలైట్ రైట్స్ కోసం చెల్లించారని తెలిసింది. దీనిపై నిర్మాతలు, సదరు టీవీ యాజమాన్యం వాళ్ళు అధికారికంగా ప్రకటన చేయకపోయినప్పటికీ, ఫిలిం సర్కిల్ లో ఈ న్యూస్ వేగంగా విస్తరిస్తోంది. ఈ రేటు బట్టి చూస్తే మహేష్ మూవీపై ఎంత క్రేజ్ ఉందో అర్ధమవుతోంది. మహేష్ పక్కన ఫిట్ బ్యూటీ రకుల్ ప్రీత్ సింగ్ ఆడి పాడనున్న ఈ చిత్రంలో విలన్ గా డైరక్టర్, నటుడు ఎస్.జె.సూర్య నటిస్తున్నారు. ఈ మూవీ జూన్ 23 న రిలీజ్ కానుంది.

Also, do SUBSCRIBE to our YouTube channel to get latest Tollywood updates.