Srikanth Addala: శ్రీకాంత్ అడ్డాల కమర్షియల్ సినిమాలకు దూరమవడానికి కారణమిదేనా?

September 12, 2023 / 02:29 PM ISTByFilmy Focus

Join Us

Srikanth Addala: శ్రీకాంత్ అడ్డాల కమర్షియల్ సినిమాలకు దూరమవడానికి కారణమిదేనా?

టాలీవుడ్ ప్రముఖ దర్శకులలో ఒకరైన శ్రీకాంత్ అడ్డాల గురించి ప్రేక్షకులకు ప్రత్యేకంగా పరిచయం చేయాల్సిన అవసరం లేదు. కొత్త బంగారు లోకం సినిమాతో దర్శకుడిగా శ్రీకాంత్ అడ్డాల ప్రయాణం మొదలైంది. ఈ సినిమా బాక్సాఫీస్ వద్ద బ్లాక్ బస్టర్ హిట్ గా నిలవగా సీతమ్మ వాకిట్లో సిరిమల్లె చెట్టు సినిమాతో శ్రీకాంత్ అడ్డాల మరో సక్సెస్ ను సొంతం చేసుకోవడం గమనార్హం. అయితే ఈ సినిమాల తర్వాత శ్రీకాంత్ అడ్డాల తెరకెక్కించిన ముకుంద, బ్రహ్మోత్సవం ఆశించిన ఫలితాలను అందుకోలేదు.

బ్రహ్మోత్సవం సినిమా గురించి ఊహించని స్థాయిలో ట్రోల్స్ రావడంతో పాటు ఈ సినిమా నిర్మాతలకు నష్టాలను మిగిల్చింది. మహేష్ బాబు ఫ్యాన్స్ కు కూడా ఈ సినిమా నచ్చలేదు. ఈ సినిమా రిలీజైన సమయంలో ఈ సినిమాను చూస్తుంటే సీరియల్ గుర్తుకొస్తుందని చాలామంది కామెంట్లు చేశారు. అయితే నారప్ప సినిమాతో సక్సెస్ ట్రాక్ లోకి వచ్చిన శ్రీకాంత్ అడ్డాల త్వరలో పెద్దకాపు1 సినిమాతో బిజీ కానున్నారు.

ఈ సినిమా ప్రమోషన్స్ లో భాగంగా శ్రీకాంత్ అడ్డాల (Srikanth Addala) వెల్లడించిన విషయాలు సోషల్ మీడియా వేదికగా వైరల్ అవుతున్నాయి. అదే సమయంలో శ్రీకాంత్ అడ్డాల బ్రహ్మోత్సవం సినిమా ఫలితం గురించి కూడా స్పందించడం గమనార్హం. సునీల్ ఒక సందర్భంలో చిరాకేసి బ్రహ్మోత్సవం తీశావా అని అడిగాడని ఆ సమయంలో నేను చాలా నవ్వుకున్నానని శ్రీకాంత్ అడ్డాల చెప్పుకొచ్చారు.

సక్సెస్ ఫెయిల్యూర్ మన చేతిలో ఉండవనే వాస్తవాన్ని మరిచిపోనని ఆయన కామెంట్లు చేశారు. ఐఐటీలో పీహెచ్డీ చేసిన నేను మంచి సినిమాలు తీయాలనే ఆలోచనతోనే కమర్షియల్ ఫార్ములా సినిమాలకు దూరంగా ఉన్నానని శ్రీకాంత్ అడ్డాల చెప్పుకొచ్చారు. బ్రహ్మోత్సవం ఫ్లాప్ గురించి శ్రీకాంత్ అడ్డాల ఈ విధంగా చెప్పగా ఆ విషయాలు వైరల్ అవుతున్నాయి. పెద్దకాపు1 సినిమాతో శ్రీకాంత్ అడ్డాల ఎలాంటి ఫలితాన్ని సొంతం చేసుకుంటారో చూడాల్సి ఉంది.