సామాజిక మాధ్యమాల కారణంగా సెలబ్రిటీలు, సామాన్యులకు మధ్య దూరం చాలా అంటే చాలా తగ్గిపోయింది.. ఇప్పటివరకు తమ అభిమాన నటీనటులను ఆన్ స్క్రీన్ చూసి సంబరపడిపోయే ఫ్యాన్స్, నెటిజన్లు.. ఇప్పుడు ఎంచక్కా వారితో చాట్ చేసేస్తున్నారు.. సెలబ్స్ పిక్స్, వీడియోలకు లైక్స్ కొడుతూ.. కామెంట్స్ పెడుతూ.. ASK ME అని వారడిగితే.. కాస్త శృతిమించిన ప్రశ్నలడుగుతూ.. కొన్ని సార్లు వారి కోపానికి కారణమవుతున్నారు..ఇక సెలబ్స్ కూడా ఈ సోషల్ మీడియా ప్లాట్ ఫామ్స్ ద్వారా వారితో ఇంటరాక్ట్ అవడం అనేది కాస్త రిలీఫ్ అనుకుంటూ ఉంటారు..
ఇక నెటిజన్లతో చిట్ చాట్ అంటే కాస్త కేర్ ఫుల్‌గా ఉండాలి.. ఎలాంటి డిస్కషన్ అయినా హద్దుల్లో ఉంటే ముద్దే కానీ బోర్డర్ దాటితే మాత్రం తిప్పలు తప్పవు.. అయితే రీసెంట్‌గా ఓ పాపులర్ అండ్ సీనియర్ నటుడు మాత్రం ఓ అమ్మాయి అడగ్గానే తన పర్సనల్ మొబైల్ నంబర్ ఇచ్చేశాడు.. ఇవ్వడం అంటే మెసేజెస్‌లో కాదు.. ఏకంగా ట్విట్టర్‌లో షేర్ చేశాడు.. ఇప్పుడు మాత్రం తల పట్టుకుంటున్నాడు..వివరాల్లోకి వెళ్తే..
ప్రముఖ తమిళ నటుడు, దర్శకుడు జి. మారిముత్తు తరచుగా అమ్మాయిల విషయంలో అనవసరపు కామెంట్లు చేస్తుంటాడు.. రీసెంట్‌గా ట్విట్టర్‌లో ఒక అమ్మాయి మీ నంబర్ ఇవ్వండి అని అడిగితే.. అమ్మాయి అడిగిందనే ఆనందంలో తన అకౌంట్‌లో నంబర్ షేర్ చేశాడు.. కట్ చేస్తే అది కాస్తా నెట్టింట తెగ వైరల్ అవడం మొదలైంది.. లెక్కనేనన్ని ఫోన్ కాల్స్ కూడా వస్తున్నాయి.. ఆ అమ్మాయి కాల్ చేస్తుందనుకుంటే ఎవరెవరో చేస్తున్నారు..
ఇదేదో తేడాగా ఉందే అని తన ట్విట్టర్ అకౌంట్ డిలీట్ చేశాడాయన.. బర్న్ అయిన తర్వాత బర్నాయిల్ రాసుకుంటే ఉపయోగం ఏముంటుంది చెప్పండి.. అప్పటికే మారిముత్తు నంబర్ తాలూకు స్క్రీన్ షాట్ చక్కర్లు కొట్టేసింది కూడా.. ఇది చూసి నెటిజన్లు గతంలో అమ్మాయిలపై ఆయన చేసిన అనుచిత వ్యాఖ్యలను గుర్తు చేసుకుని.. విమర్శలు గుప్పిస్తున్నారు..
ఫస్ట్‌డే కోట్లాది రూపాయల కలెక్షన్స్ కొల్లగొట్టిన 10 మంది ఇండియన్ హీరోలు వీళ్లే..!
ఆరడగులు, అంతకంటే హైట్ ఉన్న 10 మంది స్టార్స్ వీళ్లే..!
స్టార్స్ కి ఫాన్స్ గా… కనిపించిన 11 మంది స్టార్లు వీళ్ళే
ట్విట్టర్ టాప్ టెన్ ట్రెండింగ్‌లో ఉన్న పదిమంది సౌత్ హీరోలు వీళ్లే..!
