మరోసారి హాస్పిటల్ పాలైన దీపికా పదుకోనె.. కారణం?

September 28, 2022 / 01:40 PM ISTByFilmy Focus

Join Us

మరోసారి హాస్పిటల్ పాలైన దీపికా పదుకోనె.. కారణం?

బాలీవుడ్ స్టార్ హీరోయిన్ దీపికా పదుకొణె అస్వస్థతకి గురైందనే వార్త ఇప్పుడు వైరల్ గా మారింది. ఆమె అనారోగ్యం పాలవ్వడంతో గత రాత్రి ముంబైలోని ప్రముఖ ఆస్పత్రిలో చేర్చారట ఆమె కుటుంబ సభ్యులు. దీపికా ఒక్కసారిగా తీవ్ర నొప్పికి గురవ్వడంతో ముంబైలోని బ్రీచ్ క్యాండీ ఆస్పత్రిలో అడ్మిట్ చేసినట్లు సమాచారం. ఆమె కుటుంబ సభ్యులు మాత్రం ఈ విషయం పై క్లారిటీ ఇవ్వలేదు.కానీ ప్రస్తుతం దీపికా పరిస్థితి అయితే బాగానే ఉందని వినికిడి.

రెండు నెలల క్రితం కూడా దీపిక ఆస్పత్రిలో చేరింది.హైదరాబాద్ లోని ఓ ప్రముఖ ఆస్పత్రిలో ఆమెను చేర్చారు. ‘ప్రాజెక్ట్‌ K’ షూటింగ్‌లో పాల్గొంటున్న టైంలో దీపికా కి చెస్ట్ పెయిన్ వచ్చిందని దీంతో ఆమెను హాస్పటల్‌లో చేర్చారని కథనాలు వినిపించాయి. ఇప్పుడు మళ్ళీ ఆమె హాస్పిటల్ లో చేరిందనే వార్త వినిపించగానే అభిమానులు ఆందోళన చెందుతున్నారు. ఈ విషయం పై ర‌ణ్‌వీర్ సింగ్ కుటుంబ సభ్యులు క్లారిటీ ఇస్తేనే కానీ అభిమానుల్లో టెన్షన్ తగ్గదు అనే చెప్పాలి.

ఇక దీపికా పదుకొణె ప్రస్తుతం షారుఖ్ ఖాన్ తో ‘పఠాన్’ చిత్రంతో పాటు పాన్‌ ఇండియా స్టార్‌ ప్రభాస్‌ నటిస్తున్న ‘ప్రాజెక్ట్‌ కె’ లో కూడా హీరోయిన్ గా నటిస్తుంది. ‘వైజయంతీ మూవీస్‌’ సంస్ధ నిర్మిస్తున్న ఈ చిత్రాన్ని నాగ్ అశ్విన్‌ దర్శకత్వం వహిస్తున్నాడు. ఇక 2018 లో బాలీవుడ్ న‌టుడు ర‌ణ్‌వీర్ సింగ్‌ను వివాహం చేసుకున్న దీపికా..

పెళ్లైన త‌రువాత కూడా సినిమాల్లో నటిస్తున్నారు. రణ్‌వీర్ సింగ్‌తో ‘రామ్‌లీలా’ ‘బాజీరావు మస్తానీ’ వంటి చిత్రాల్లో ఈమె నటించింది. ఆపై సంజయ్ లీలా భన్సాలీ దర్శకత్వంలో తెరకెక్కిన ‘పద్మావత్’లో కూడా వీరిద్దరూ కలిసి నటించారు.