మీడియా ప్రశ్నకు నటి ఘాటు జవాబు!

September 11, 2021 / 11:12 AM ISTByFilmy Focus

Join Us

తన బిడ్డకు తండ్రి ఎవరో చెప్పడానికి ప్రముఖ నటి, తృణమూల్ కాంగ్రెస్ ఎంపీ నుస్రత్త్ జహాన్ ఇష్టపడలేదు. అలా అని తండ్రి ఎవరో తెలియక కాదు.. అతడి పేరు బయటకు చెప్పడానికి ఆమె మనసు అంగీకరించడం లేదు. దీన్ని బట్టి అతడిపై ఆమె ఎంత సీరియస్ గా ఉన్నారో అర్ధమవుతుంది. గత నెలాఖరులో నుస్రత్ మగబిడ్డకు జన్మనిచ్చారు. తల్లైన తరువాత మొదటిసారి ఆమె కోల్‌క‌తాలోని సెలూన్ ప్రారంభానికి వెళ్లారు. ఈ సందర్భంగా ఆమెని మీడియా చుట్టుముట్టింది.

మీ బిడ్డకు తండ్రి ఎవరంటూ జర్నలిస్ట్ ప్రతినిధులు ప్రశ్నించారు. ఈ ప్రశ్నపై ఆమె అసహనం వ్యక్తం చేసింది. ఈ క్రమంలో వారిపై మండిపడింది. బిడ్డకు తండ్రి ఎవరో చెప్పాలని మహిళను మీడియా నిలదీయడం ఆమె వ్యక్తిత్వాన్ని కించపరచడమే అని నుస్రత్ జహాన్ ఆవేదన వ్యక్తం చేసింది. మీడియా ప్రశ్నకు సమాధానం ఆ తండ్రికే తెలుసని బదులిచ్చింది. తన కుమారుడి పేరు ఇషాన్ అని తెలిపింది. ఇదిలా ఉండగా.. 2019లో టర్కీకి చెందిన వ్యాపారవేత్త నిఖిల్ జైన్ ను టర్కిష్ చట్టం ప్రకారం నుస్రత్ వివాహం చేసుకుంది.

ఇటీవలే భర్తతో తెగదెంపులు చేసుకుంది. ఆ తరువాత ఆమె బెంగాలీ నటుడు యశ్వంత్‌ దాస్‌ గుప్తా రిలేషన్‌షిప్‌లో ఉందని రూమర్స్‌ వినిపించాయి. ఈ తరుణంలో గతనెల ఆమె ఓ మగబిడ్డకి జన్మనివ్వడం చర్చనీయాంశంగా మారింది