ప్రముఖ సంగీత దర్శకుడు అనుపమ్ రాయ్ సంచలన ప్రకటన చేశాడు. తన భార్య ప్రియా చక్రవర్తి నుంచి విడిపోతున్నట్లు సోషల్ మీడియా వేదికగా వెల్లడించాడు. బాలీవుడ్ సూపర్ స్టార్ అమితాబ్ బచ్చన్, దీపికా పదుకోన్ నటించిన ‘పీకు’ చిత్రానికి ఆయన సంగీత దర్శకుడిగా వ్యవహరించారు. ఈ సినిమాతో అనుపమ్ కి మంచి గుర్తింపు లభించింది. పలు అవార్డులు కూడా వచ్చాయి. ఇదిలా ఉండగా.. అనుపమ్ తన భార్యతో విడిపోతున్నట్లు ప్రకటించి షాకిచ్చారు.
తన భార్య ప్రియా చక్రవర్తితో విడాకులు తీసుకోబోతున్నట్లు.. తమ ఆరేళ్ల వైవాహిక బంధానికి ముగింపు పలికి మంచి స్నేహితులుగా ఎవరి దారి వారు చూసుకుందామని నిర్ణయించుకున్నట్లు చెప్పారు. పరస్పర అంగీకారంతోనే ఇద్దరం విడిపోవాలని డిసైడ్ అయినట్లు తెలిపారు. ఇన్నేళ్ల తమ ప్రయాణంలో అందమైన, అద్భుతమైన అనుభవాలు, మధురజ్ఞాపకాలు ఎన్నో ఉన్నాయని.. అయితే వ్యక్తిగత విభేదాల కారణంగా భార్యాభర్తలుగా విడిపోవడం మంచిదని భావిస్తున్నట్లు చెప్పారు. విడిపోయినప్పటికీ.. మంచి స్నేహితులుగా ఉంటామని అన్నారు.
ప్రతి విషయంలో ఇప్పటివరకు తమకు మద్దతుగా నిలిచిన స్నేహితులు, కుటుంబసభ్యులు, శ్రేయోభిలాషులకు కృతజ్ఞతలు చెప్పారు. తమ నిర్ణయాన్ని గౌరవిస్తారని ఆశిస్తున్నట్లు.. అలానే తమ గోప్యతను కాపాడాలని మీడియాకు రిక్వెస్ట్ చేశారు. కొంతకాలం పాటు రిలేషన్ లో ఉన్న ఈ జంట 2015లో వివాహం చేసుకున్నారు.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
