Prabhas: ఎవరివి వాళ్లే తెచ్చుకోవాలంట.. మరీ ఇంత దారుణమా..!

యంగ్ రెబెల్ స్టార్ ప్రభాస్ పుట్టిన రోజు వేడుకలను అభిమానులు రాష్ట్ర వ్యాప్తంగా ఎంత ఘనంగా నిర్వహిస్తారో ప్రత్యేకించి చెప్పనక్కర్లేదు. ముఖ్యంగా యూత్ కి ఆయన పుట్టినరోజు వచ్చిందంటే ఒక పండగే. చరిత్రలో కనీవినీ ఎరుగని రేంజ్ లో హైదరాబాద్ లోని కైతలపూర్ గ్రౌండ్స్ లో ప్రభాస్ పుట్టిన రోజు ని గ్రాండ్ గా ప్లాన్ చేసారు. ఇందు కోసం 120 అడుగుల ప్రభాస్ కటౌట్ ని ఏర్పాటు చేసారు. అక్టోబర్ 23 న ఈ పుట్టినరోజు వేడుకలు అంగరంగ వైభవంగా జరగబోతున్నాయి.

ఈ ఈవెంట్ కి సుమారుగా 10 వేలమందికి పైగా అభిమానులు విచ్చేయబోతున్నారని టాక్. అయితే ఈ ఈవెంట్ కి సినిమా ఇండస్ట్రీ కి చెందిన ఎవరికీ కూడా ఆహ్వానం దక్కలేదు. కేవలం ప్రభాస్ అభిమానులు మాత్రమే చేసుకునే సంబరాలు ఇవి. ఇదంతా పక్కన పెడితే ఈ ఈవెంట్ కి సంబంధించి ఒక విషయం సోషల్ మీడియా లో లీక్ అయ్యి తెగ ట్రోల్ మెటీరియల్ గా మారింది.

అదేమిటి అంటే ఈ ఈవెంట్ కి వచ్చిన అభిమానులందరికీ విందు భోజనం ఏర్పాటు చేశారట. శాఖాహారులకు, అలాగే మాంసాహారులకు ఎలాంటి లోటు లేకుండా కావాల్సిన ఐటెం తినొచ్చు. కానీ అక్కడ పేపర్ ప్లేట్స్ కానీ , స్టీల్ ప్లేట్స్ కానీ ఉండవట. ఎవరి ప్లేట్స్ వాళ్ళు తెచ్చుకుంటేనే ఫుడ్ కోర్టు లోకి ఎంట్రీ ఉంటుందట. ఇదే ఇప్పుడు పెద్ద హాట్ టాపిక్ గా మారింది.

ఈ విషయం సోషల్ మీడియా లో లీక్ అయ్యి అల్లు అర్జున్ ఫ్యాన్స్ మరియు మహేష్ బాబు ఫ్యాన్స్ ప్రభాస్ ఫ్యాన్స్ ని ఒక రేంజ్ లో ట్రోల్ చేస్తూ ఆటపట్టిస్తున్నారు. ఇది ఇలా ఉండగా ప్రభాస్ పుట్టినరోజు సందర్భంగా రేపు ఆయన కెరీర్ లో బ్లాక్ బస్టర్ హిట్ గా నిల్చిన ‘ఛత్రపతి’ సినిమా ని రీ రిలీజ్ చెయ్యబోతున్నారు. దీనికి సంబంధించిన అడ్వాన్స్ బుకింగ్స్ కూడా బాగా జరిగాయి.

భగవంత్ కేసరి సినిమా రివ్యూ & రేటింగ్!

లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!