మూడో వివాహం వార్తలపై స్పందించిన స్టార్‌ హీరో టీమ్‌

November 23, 2021 / 01:01 PM ISTByFilmy Focus

Join Us

మూడో వివాహం వార్తలపై స్పందించిన స్టార్‌ హీరో టీమ్‌

బాలీవుడ్‌ స్టార్‌ హీరో ఆమీర్ ఖాన్‌ – కిరణ్‌రావ్‌ ఇటీవల విడాకులు తీసుకున్న విషయం తెలిసిందే. ఎందుకు రిలేషన్‌కు బ్రేకప్‌ చెబుతున్నారు లాంటి వివరాలు అయితే బయటకు చెప్పలేదు. అయితే నాటి నుండి ఆమీర్‌ మూడో పెళ్లికి సిద్ధమవుతున్నాడు అంటూ బాలీవుడ్‌ మీడియా వార్తలు రాస్తూ వస్తోంది. తాజాగా మారోసారి ఆమీర్‌ మూడో పెళ్లి వార్తలు బయటకు వచ్చాయి. ‘లాల్‌ సింగ్‌ చద్దా’ విడుదల తర్వాత ఆమీర్‌ పెళ్లి ఉంటుంది కొత్త పుకార్ల సారాంశం.

ఆమీర్‌ పెళ్లి విషయంలో తాజాగా అతని సన్నిహిత బృందం స్పందించింది. మీడియాలో వస్తున్న వార్తలు ఏ మాత్రం నిజం కావని చెప్పుకొచ్చింది. అభిమానులు ఎవరూ వాటిని నమ్మొద్దు అని చెప్పింది. ప్రస్తుతం ఆమీర్‌ ఖాన్‌ దృష్టి అంతా సినిమాల మీదే ఉందని చెప్పుకొచ్చారు సన్నిహితులు. ఆమీర్‌ మూడో పెళ్లి అయ్యేది ‘దంగల్‌’లో అతనికి కూతురుగా నటించిన ఫాతిమా సనా షేక్‌తోనే అనే విషయం మీకు తెలిసిందే. ఆమీర్‌ విడాకులు, మూడో పెళ్లి విషయంలో ఫాతిమా కూడా గతంలో ఒకసారి, ఇటీవల కూడా స్పందించింది.

తాను, ఆమీర్‌ ఖాన్‌ డేటింగ్‌లో ఉన్నట్లు కొంతమంది దుష్ప్రచారం చేస్తున్నారని ఫాతమి ఆవేదన వ్యక్తం చేసింది. వారి ఆరోపణలో ఇసుమంత కూడా నిజం లేదని తేల్చి చెప్పింది. ఆమీర్‌ ఖాన్‌ మొదటి భార్య రీనా దత్తాకు 2002లో విడాకులు ఇచ్చాడు. ఆ తర్వాత.. కిరణ్‌ రావ్‌ను 2005లో పెళ్లి బంధంతో ఒక్కటయ్యారు. ఇటీవల ఇద్దరూ విడాకులు తీసుకున్నారు.