మెగాస్టార్ చిన్న మేనల్లుడు వైష్ణవ్ తేజ్ హీరోగా పరిచయమైన చిత్రం ‘ఉప్పెన’. గత శుక్రవారం నాడు ప్రేక్షకుల ముందుకు వచ్చిన ఈ సినిమా బాక్సాఫీస్ వద్ద దూసుకుపోతుంది. భారీ వసూళ్లను సాధిస్తూ రికార్డులు సృష్టిస్తోంది. ఓ డెబ్యూ హీరో సినిమాకి ఈ రేంజ్ లో వసూళ్లు రావడం మామూలు విషయం కాదు. ఇదిలా ఉండగా.. ఇప్పుడు ఈ సినిమాను రీమేక్ చేయడానికి ఆసక్తి చూపిస్తున్నారు. ఇతర భాషలకు చెందిన నిర్మాతలు ఈ సినిమా రీమేక్ హక్కులు దక్కించుకోవడానికి ప్రయత్నాలు మొదలుపెట్టారు.
ఆసక్తికర విషయం ఏంటంటే.. కోలీవుడ్ స్టార్ హీరో విజయ్ కొడుకు సంజయ్ ని ఈ సినిమాతో హీరోగా పరిచయం చేయాలనుకుంటున్నారట. దీనికి సంబంధించి కోలీవుడ్ లో జోరుగా ప్రచారం జరుగుతోంది. ‘ఉప్పెన’ సినిమాలో విలన్ పాత్రలో నటించిన విజయ్ సేతుపతి ఈ సినిమాను తమిళంలో సొంతంగా నిర్మించాలని అనుకుంటున్నాడట. పైగా కోలీవుడ్ ప్రేక్షకులను మెప్పించే అంశాలు ఈ సినిమాలో చాలానే ఉన్నాయని.. కాబట్టి రీమేక్ వర్కవుట్ అయ్యే ఛాన్స్ ఉందని నమ్ముతున్నారు. ఈ సినిమాతో విజయ్ కుమారుడు సంజయ్ ని పరిచయం చేయాలని అనుకుంటున్నాడు విజయ్ సేతుపతి.
సంజయ్ ఎంట్రీకి సంబంధించి చాలా కాలంగా మీడియాలో వార్తలు వస్తున్నాయి. ఆ మధ్య ఓ ఇంగ్లీష్ షార్ట్ ఫిలింలో కూడా నటించాడు సంజయ్. ఇప్పుడు వెండితెరపై ప్రేక్షకులను అలరించడానికి సిద్ధమవుతున్నాడని సమాచారం. విజయ్ కూడా ‘ఉప్పెన’ రీమేక్ తో కొడుకుని పరిచయం చేయడానికి ఆసక్తి చూపిస్తున్నారట. ఇరవై ఏళ్ల సంజయ్ కి ఈ స్టోరీ బాగా సూట్ అవుతుందని విజయ్ భావిస్తున్నాడు. మరి ఈ వార్తల్లో ఎంతవరకు నిజముందో తెలియాల్సివుంది!
Most Recommended Video
ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?
Home