ఈమధ్యకాలంలో ఘనంగా జరిగిన ఈవెంట్ ఏదీ అంటే భారతదేశంలో మాత్రమే కాదు.. ప్రపంచం మొత్తం కూడా అంబానీ కుమార్తె వివాహం అని చెబుతుంది. దాదాపు 1600 కోట్ల రూపాయల ఖర్చుతో అత్యంత ఘనంగా జరిగిన ఈ వివాహ వేడుకలో బాలీవుడ్ టాప్ సెలబ్రిటీలైన అమితాబ్, అమీర్ ఖాన్ లు అతిధులను భోజనం వడ్డించడం సెన్సేషన్ అయిపోయింది. అంత భారీ ఖర్చుతో కాకపోయినా.. అదే స్థాయిలో జరిగిన వివాహ వేడుక రాజమోళి కొడుకు కార్తికేయ. ఖర్చు లేకుండా భారీతనం ఎక్కడ్నుంచి వస్తుందా అనుకుంటున్నారా. అక్కడ డబ్బు ఉంటే.. ఇక్కడ అభిమానం ఉందండీ.
ఆల్మోస్ట్ టాలీవుడ్ టాప్ సెలబ్రిటీస్ అందరూ హాజరవ్వడమే కాక.. వాళ్ళందరూ మనస్ఫూర్తిగా తమ అనుభవాలను, అనుభూతులను షేర్ చేసుకోవడం, సంగీత్ లో డ్యాన్స్ చేయడం వంటివి చూస్తే ఇలా జరగాలిరా పెళ్ళంటే అని ప్రతి ఒక్కరూ అనుకునేలా చేశారు. ముఖ్యంగా.. ప్రభాస్, నాగార్జున, ఎన్టీఆర్, రామ్ చరణ్, నాని, రాణా వంటి స్టార్ హీరోలందరూ తమ కుటుంబంలో పెళ్లి లాగా భావించి పెళ్ళికి హాజరైన అందరితోనూ అత్యంత సన్నిహితంగా మెలగడం అతిధులను ఆశ్చర్యపరిచింది. ఈ వివాహ వేడుక కారణంగా రాజమౌళి తన దర్శకత్వంలో నటించిన హీరోలతో మాత్రమే కాదు ఇండస్ట్రీతోనూ ఎంత సన్నిహితంగా మెలుగుతున్నాడో అర్ధమవుతుంది. ఇక ఆ పెళ్లి ఫోటోలు, వీడియోలు చూసి అభిమానులు తెగ మురిసిపోతున్నారు.
Home