ఎన్టీఆర్-ప్రశాంత్ నీల్ మూవీపై స్పష్టత ఇచ్చిన ప్రొడ్యూసర్స్

కొద్దిరోజులుగా ఎన్టీఆర్ ఫ్యాన్స్ లో ఓ మీమాంస కొనసాగుతుంది. ఆయన 31వ చిత్రం ఎవరితో అన్న విషయంలో స్పష్టత కోసం వారు ఎదురుచూస్తున్నారు. ఎప్పటి నుండో ఎన్టీఆర్ 31వ చిత్రం కెజిఎఫ్ డైరెక్టర్ ప్రశాంత్ నీల్ తో అని ప్రచారం జరుగుతుండగా, కొద్దిరోజుల క్రితం ప్రశాంత్ నీల్ ఈ మూవీపై హింట్ ఇచ్చారు. ఎన్టీఆర్ బర్త్ డే విషెష్ ట్వీట్ లో పరోక్షంగా ఎన్టీఆర్ తో మూవీ ఉంటుందని చెప్పారు.

ఎన్టీఆర్ తో ఆయన మూవీ చేయడంపై కన్నడ పరిశ్రమలో నిరసనలు రాగా, ఆయన ఓ ఇంటర్వ్యూలో కన్నడలో మాత్రమే సినిమాలు చేస్తాను అని చెప్పారు. దీనితో ఎన్టీఆర్ తో మూవీ చేయాలనుకున్న ఆలోచన ప్రశాంత్ విరమించుకున్నాడని అందరూ అనుకున్నారు. ఐతే అది నిజం కాదు, ఎన్టీఆర్ తో ప్రశాంత్ నీల్ మూవీ ఉంటుందని అర్థం అవుతుంది. నేడు ప్రశాంత్ నీల్ బర్త్ డే పురస్కరించుకొని మైత్రి మూవీ మేకర్స్ ఆయనకు విషెష్ చెప్పారు.

ఆలాగే ఎన్టీఆర్ తో మూవీ గురించి కూడా వారు హింట్ ఇచ్చారు. ప్రశాంత్ నీల్ గత ట్వీట్ కి కొనసాగింపుగా ఉన్న ఈ ట్వీట్ ఎన్టీఆర్-ప్రశాంత్ నీల్ మూవీని ధృవీకరిస్తుంది. కాబట్టి ఎన్టీఆర్ ఫ్యాన్స్ ఆసక్తిగా ఎదురు చూస్తున్న క్రేజీ కాంబినేషన్ త్వరలో సాకారం కానుంది. భారీ యాక్షన్ ఎంటర్టైనర్ గా తెరకెక్కనున్న ఈ మూవి, పాన్ ఇండియా చిత్రంగా పలు భాషలలో విడుదల కానుంది. 2021 చివర్లో ఈ మూవీ సెట్స్ పైకి వెళ్లే అవకాశం కలదు.

Most Recommended Video

మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!