తాజాగా ‘దసరా’ సినిమా రిలీజ్ అయ్యింది. నాని హీరోగా నటించిన ఈ మూవీకి శ్రీకాంత్ ఓదెల దర్శకుడు. కీర్తి సురేష్ హీరోయిన్ గా నటించిన ఈ మూవీలో కన్నడ నటుడు దీక్షిత్ శెట్టి కూడా నటించాడు. నిన్న రిలీజ్ అయిన ఈ సినిమా సూపర్ హిట్ టాక్ ను సొంతం చేసుకుంది. తెలంగాణ నేపథ్యంలో సాగే ఈ సినిమాలో నాని తన మాస్ పెర్ఫార్మన్స్ తో దుమ్ము దులిపేసాడని చెప్పాలి. ఈ చిత్రం కథ చాలా వరకు ‘రంగస్థలం’ ‘ఆర్య 2 ‘ సినిమాలకు దగ్గర పోలికలు ఉంటాయి.
ఎందుకంటే శ్రీకాంత్ ఓదెల సుకుమార్ వద్ద శిష్యరికం చేశాడు కాబట్టి.సుకుమార్ తెరకెక్కించిన ‘నాన్నకు ప్రేమతో’ ‘రంగస్థలం’ చిత్రాలకు సుకుమార్ వద్ద పనిచేసాడు. పైగా రంగస్థలం రిలీజ్ అయిన మార్చ్ ౩౦ నే తన ‘దసరా’ చిత్రాన్ని కూడా విడుదల చేశాడు. ఇలా ‘దసరా’ విషయంలో సుకుమార్ ను చాలా రకాలుగా ఫాలో అయ్యాడు శ్రీకాంత్. ప్రస్తుతం శ్రీకాంత్ కు మంచి డిమాండ్ ఏర్పడింది. పెద్ద బ్యానర్లో సినిమాలు చేసే అవకాశాలు లభిస్తున్నాయి.
ప్రస్తుతం టాలీవుడ్లో సుకుమార్ శిష్యుల హవా ఎక్కువగా నడుస్తుంది అని చెప్పాలి. ‘ఉప్పెన’ చిత్రంతో బ్లాక్ బస్టర్ కొట్టిన బుచ్చిబాబు సానా సుకుమార్ శిష్యుడే. ‘సుక్కు రైటింగ్స్’ లోనే తన సినిమా చేశాడు. ఆ సినిమా హిట్ అవ్వడంతో సుకుమార్ కృషి కూడా ఉందని చెప్పొచ్చు. అందుకే మొదటి సినిమాకే ఇతనికి రాంచరణ్ తో పనిచేసే అవకాశం దక్కింది. అలాగే ‘కుమారి 21 ఎఫ్’ చిత్రం దర్శకుడు పల్నాటి సూర్య ప్రతాప్ కూడా సుకుమార్ శిష్యుడే.
మొన్నామధ్య ’18 పేజెస్’ అనే చిత్రాన్ని కూడా రూపొందించాడు. సూర్య ప్రతాప్ కు కూడా టాలీవుడ్లో మంచి అవకాశాలు వస్తున్నాయి. అంతేకాదు ‘నేను శైలజ’ ‘చిత్రలహరి’ వంటి చిత్రాలు చేసిన కిషోర్ తిరుమల కూడా సుకుమార్ వద్ద పనిచేశాడు. ఎక్కువ రోజులు కాదు కానీ ఇతను కూడా సుకుమార్ శిష్యుడు అనే చెప్పాలి. మొత్తంగా టాలీవుడ్లో ఇప్పుడు సుకుమార్ శిష్యుల హవా నడుస్తుందని చెప్పొచ్చు.
హీలీవుడ్‌లో నటించిన 15 మంది ఇండియన్ యాక్టర్స్ వీళ్లే..!
టాలీవుడ్లో గుర్తింపు తెచ్చుకున్న 10 మంది కోలీవుడ్ డైరెక్టర్స్ వీళ్లే..!
తు..తు…ఇలా చూడలేకపోతున్నాం అంటూ…బాడీ షేమింగ్ ఎదురుకున్న హీరోయిన్లు వీళ్ళే
నాగ శౌర్య నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
Home