సుకుమార్ లెక్కల్లోకి రామ్ చరణ్

నాన్నకు ప్రేమతో డైరెక్టర్ సుకుమార్ నెక్స్ట్ సినిమా దాదాపు ఖరారైంది. అతను చెప్పిన కథ నచ్చడంతో రామ్ చరణ్ ఓకే చెప్పాడు. సైన్స్ ఫిక్షన్ జాన్రలో కథ ఉంటుంది అని సమాచారం. ప్రస్తుతం రామ్ చరణ్ సురేందర్ రెడ్డి దర్శకత్వంలో తని ఒరువన్ సినిమాను రీమేక్ పనిలో ఉన్నారు. ఈ చిత్రానికి ధ్రువ వర్కింగ్ టైటిల్ గా చెప్పుకుంటున్నారు. ఈ మూవీ ఆగస్ట్ లో రిలీజ్ చేసేందుకు ప్లాన్ చేస్తున్నారు.

రిలీజ్ అయిన వెంటనే ఆగస్ట్ 22 చిరంజీవి పుట్టిన రోజున సుకుమార్, రామ్ చరణ్ ల సినిమా షూటింగ్ మొదలు కానుంది. దీనిని సంక్రాంతికి రిలీజ్ చేయనున్నారు. ప్రస్తుతం సుకుమార్ కుమారి 21 f సినిమాను కన్నడ లో రీమేక్ చేసే పనిలో బిజీ గా ఉన్నారు. దీని తర్వాత రామ్ చరణ్ తో సినిమా, ఆ తర్వాత దేవిశ్రీ ప్రసాద్ ని హీరో గా పరిచేసే భాద్యతను సుకుమార్ తీసుకున్నారు. ఎంతైనా లెక్కల మాస్టారి లెక్కలే వేరు.