రాధాకృష్ణ కుమార్ డైరెక్షన్ లో ప్రభాస్ హీరోగా తెరకెక్కిన రాధేశ్యామ్ సినిమా ప్రేక్షకుల అంచనాలను అందుకోలేదనే సంగతి తెలిసిందే. మిక్స్డ్ టాక్ తో ఈ సినిమా ప్రదర్శితమవుతుండగా సోమవారం కలెక్షన్లను బట్టి ఈ సినిమా రిజల్ట్ గురించి క్లారిటీకి రావచ్చు. రాధేశ్యామ్ ఇండస్ట్రీ హిట్ అవుతుందని భావించిన అభిమానులు నిరాశకు గురవుతున్నారు. రాధేశ్యామ్ సినిమాకు నెగిటివ్ టాక్ రావడంతో ప్రభాస్ అభిమాని ఒకరు ఆత్మహత్య చేసుకున్న సంగతి తెలిసిందే. 300 కోట్ల రూపాయల బడ్జెట్ తో రాధేశ్యామ్ తెరకెక్కగా ఈ సినిమా రెండు రోజుల కలెక్షన్లు 57.79 కోట్ల రూపాయలుగా ఉన్నాయి.
ఉత్తరాంధ్ర ఏరియాలో భారీస్థాయిలో కలెక్షన్లను సొంతం చేసుకోవడంలో రాధేశ్యామ్ మూవీ ఫెయిలవుతోంది. అయితే ఈ సినిమాకు వేర్వేరు మ్యూజిక్ డైరెక్టర్లు పని చేశారనే సంగతి తెలిసిందే. ఈ సినిమా సౌత్ వెర్షన్లకు సాంగ్స్ ఒక విధంగా ఉంటే హిందీ వెర్షన్ కు సాంగ్స్ మరో విధంగా ఉన్నాయి. ఈ సినిమాలోని కొన్ని సన్నివేశాల్లో నటీనటులు కూడా వేర్వేరుగా ఉన్నారు. హిందీ వెర్షన్ సన్నివేశాలలో కొన్ని సన్నివేశాలను హిందీ నటులతోనే షూట్ చేశారని సమాచారం అందుతోంది.
దర్శకుడు సుకుమార్ సైతం పుష్ప ది రూల్ విషయంలో రాధేశ్యామ్ ను ఫాలో కానున్నారని సమాచారం. పుష్ప ది రైజ్ బాలీవుడ్ బాక్సాఫీస్ వద్ద రికార్డు స్థాయిలో కలెక్షన్లను సొంతం చేసుకున్న సంగతి తెలిసిందే. పుష్ప ది రూల్ లో మ్యూజిక్ తో పాటు కొన్ని సన్నివేశాలు బాలీవుడ్ ప్రేక్షకులకు ఒకలా సౌత్ ప్రేక్షకులకు మరోలా ఉండబోతున్నాయని సమాచారం అందుతోంది. అయితే ఈ వార్తల గురించి సుకుమార్ స్పందించి క్లారిటీ ఇవ్వాల్సి ఉంది.
త్వరలో పుష్ప ది రూల్ రెగ్యులర్ షూటింగ్ మొదలుకానుండగా ఈ ఏడాది డిసెంబర్ లో ఈ సినిమా రిలీజయ్యే విధంగా మేకర్స్ ప్లాన్ చేస్తున్నారు. పుష్ప ది రూల్ కూడా భారీ బడ్జెట్ తో తెరకెక్కనుందని సమాచారం.
Most Recommended Video
ఒకే ఫ్యామిలీలో రెండు జెనెరేషన్స్ కు చెందిన హీరోలతో జోడీ కట్టిన భామల లిస్ట్..!
‘గాడ్ ఫాదర్’ తో పాటు టాలీవుడ్లో రీమేక్ కాబోతున్న 10 మలయాళం సినిమాలు..!
ఈ 10 సినిమాలు తెలుగులోకి డబ్ అయ్యాక కూడా రీమేక్ అయ్యాయని మీకు తెలుసా..!
Home