మెగాస్టార్ చిరంజీవి రీఎంట్రీ తరువాత వరుస సినిమాల్లో నటిస్తున్నారు. ఆయన లైనప్ చూస్తే యంగ్ హీరోలు కూడా షాక్ అవ్వాల్సిందే. గ్యాప్ లేకుండా సినిమాల్లో నటిస్తున్నారు. ప్రస్తుతం ఆయన నటించిన ‘ఆచార్య’ సినిమా ఏప్రిల 29న విడుదల కావడానికి సిద్ధంగా ఉంది. మరోపక్క మలయాళ సినిమా ‘లూసిఫర్’ రీమేక్ లో నటిస్తున్నారు చిరు. మోహన్ రాజా డైరెక్ట్ చేస్తోన్న ఈ సినిమాకి ‘గాడ్ ఫాదర్’ అనే టైటిల్ ఫిక్స్ చేశారు.
దీంతో పాటు మెహర్ రమేష్ దర్శకత్వంలో ‘భోళా శంకర్’ అనే సినిమాలో నటిస్తున్నారు. ఇందులో చిరుకి జోడీగా తమన్నా.. సిస్టర్ క్యారెక్టర్ లో కీర్తి సురేష్ కనిపించనుంది. ఈ సినిమాలతో పాటు మరో రెండు సినిమాలు కమిట్ అయ్యారు మెగాస్టార్. అందులో ఒకటి బాబీ డైరెక్షన్ లో.. మరొకటి వెంకీ కుడుముల డైరెక్షన్ లో తెరకెక్కనున్నాయి. అయితే ఇప్పుడు మరో ప్రాజెక్ట్ ఓకే చేశారు చిరు.
సుకుమార్ దర్శకత్వంలో మెగాస్టార్ చిరంజీవి నటించబోతున్నట్లు తెలుస్తోంది. ఈ విషయాన్ని సుకుమార్ అఫీషియల్ గా వెల్లడించారు. దీనికి సంబంధించిన ఓ ఫొటో కూడా షేర్ చేశారు సుకుమార్. త్వరలోనే చిరుని డైరెక్ట్ చేయబోతున్నట్లు చెప్పారు. దీంతో ఫ్యాన్స్ ఆనందానికి అవధుల్లేకుండా పోయాయి. సుకుమార్ దర్శకత్వంలో మెగాస్టార్ అంటే సినిమా ఏ రేంజ్ లో ఉంటుందో ఊహించుకోవచ్చు.
అయితే తాజాగా అందుతున్న సమాచారం ప్రకారం.. వీరి కాంబినేషన్ లో వస్తున్నది సినిమా కాదట. ఓ కమర్షియల్ యాడ్ అని తెలుస్తోంది. దానికోసం సుకుమార్.. చిరుని కలిశారట. త్వరలోనే దీనిపై క్లారిటీ రానుంది. చిరు యాడ్స్ లో కనిపించి చాలా కాలమవుతుంది. ఇప్పుడు మళ్లీ కమర్షియల్ యాడ్స్ లో నటించడానికి రెడీ అవుతున్నారు. మొత్తానికి ఓ పక్క సినిమాలు, మరోపక్క యాడ్స్ తో బిజీగా మారనున్నారు మెగాస్టార్.
View this post on Instagram
Most Recommended Video
బ్రహ్మానందం కామెడీతో హిట్టైన 10 సినిమాల లిస్ట్..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
