ఫ్లాప్ హీరోస్ ఇద్దరూ కలిసి యాంకరింగ్ చేస్తున్నారు!

తారలన్నీ ఒక్కచోటికి చేరాయా అని ప్రేక్షకలోకం నివ్వెరపోయేలా ప్రతి ఏడాది నిర్వహించబడుతున్న “ఫిలిమ్ ఫేర్ అవార్డ్స్” ఈవెంట్ ఈ ఏడాది కూడా హైద్రాబాద్ లో జరగనుంది. తెలుగు, తమిళ, మలయాళ, కన్నడ చిత్రసీమలకు చెందిన హీరోహీరోయిన్లు, దర్శకనిర్మాతలు, టెక్నీషియన్లు దండిగా హాజరయ్యే ఈ ఫిలిమ్ ఫేర్ అవార్డ్స్ కి హోస్టింగ్ ఎవరు చేసినా ఆ ఏడాది మొత్తం వాళ్ళు ట్రెండ్ అవుతునే ఉంటారు. అందుకే సదరు ఈవెంట్ కి హోస్ట్ చేయడం కోసం యువ కథానాయకులు ఉబ్బితబ్బిబవుతుంటారు. గతేడాది నాని, రాణా కలిసి చాలా సరదాగా నిర్వహించిన “ఫిలిమ్ ఫేర్ అవార్డ్స్” ఈవెంట్ కు ఈ ఏడాది యువ హీరోలు సందీప్ కిషన్, రాహుల్ రవీంద్రన్ ను హోస్ట్ లుగా వ్యవహరించనున్నారు.

ఈ ఇద్దరు కథానాయకులు హీరోలుగా సరైన అవకాశాలతోయపాటు విజయాలు కూడా లేక ఢీలాపడినవారే కావడం గమనార్హం. ప్రస్తుతం ఈ ఇద్దరు ఏం చేయాలో తెలియక తికమకలో కొట్టుమిట్టాడుతున్నారు. రాహుల్ రవీంద్రన్ అయితే హీరోగా తన కెరీర్ ను కాస్త పక్కనపెట్టి.. డైరెక్షన్ స్టార్ట్ చేయగా సందీప్ కిషన్ మాత్రం ఎలాగైనా ఒక హిట్ కొట్టాలని విపరీతంగా ప్రయత్నిస్తున్నాడు.