మరో ఖాన్ తో నటించనున్న సన్నీ లియోన్..!

బాలీవుడ్ లో తెరకెక్కుతున్న ‘రాయీస్’ చిత్రంలో షారూఖ్ ఖాన్ తో కలిసి ఓ ప్రత్యేక గీతంలో నటించిన సన్నీ లియోన్.. ఇప్పుడు అమీర్ ఖాన్ తో కలిసి నటించడానికి సిద్దమవుతోంది. హర్యానాకు చెందిన మహావీర్ సింగ్ భోగత్ జీవిత చరిత్ర ఆధారంగా తెరకెక్కుతున్న చిత్రం ‘దంగల్’. ఇందులో మహావీర్ పాత్రను అమీర్ ఖాన్ పోషిస్తున్నారు. ఈ చిత్రం లో ఓ ప్రత్యేక గీతంలో సన్నీ లియోన్ నటించనుందని బాలీవుడ్ వర్గాల సమాచారం. కాగా గతంలో అమీర్ తో కలిసి నటించాలన్న కోరికను సన్నీ బహిర్గతం చేయగా, సందర్భం వచ్చినప్పుడు తప్పకుండా ఆమెతో కలిసి నటిస్తానని అమీర్ స్పష్టం చేశాడు. దాంతో దంగల్ లో ఓ ప్రత్యేక గీతం లో నటింపజేసేందుకు సన్నీని ఎంపిక చేశారని చిత్ర బృందం లోని సభ్యుడొకరు తెలిపారు. నితీష్ తివారీ దర్శకత్వంలో తెరకెక్కుతున్న ఈ చిత్రాన్ని అమీర్ ఖాన్ ప్రొడక్షన్స్, వాల్ట్ డిస్నీ ఇండియాలు సంయుక్తంగా తెరకెక్కిస్తున్నాయి. ఈ చిత్రం ఏడాది డిసెంబర్ లో ప్రేక్షకుల ముందుకు రానుంది.

https://www.youtube.com/watch?v=7XNl0x311jM