సౌత్‌లో కొత్త హీరోయిన్ల రాక పెరుగుతున్నా.. ఇంకా కొంతమంది సీనియర్‌ స్టార్ హీరోయిన్లు తమ హవా చూపిస్తూనే ఉన్నారు. అందులో నయనతార, సమంత కూడా ఉన్నారు. వీరు ఇద్దరూ ఒకే సమయంలో స్టార్ నాయికగా ఇండస్ట్రీలో చెలామణి అవుతున్నారు. దాంతోపాటు మంచి స్నేహితులు కూడా. ఈ క్రమంలో మరోసారి ఇద్దరి మధ్య స్నేహం బయటపడింది. సమంతకు నయనతార ఓ స్పెషల్‌ గిఫ్ట్‌ను పంపించింది. ఇప్పుడు దానికి సంబంధించిన విషయాలే సోషల్‌ మీడియాలో వైరల్‌ అవుతున్నాయి.
సమంత, నయనతార మధ్య స్నేహం ఉందనే విషయం తెలిసిందే. అయితే ఇద్దరూ గిఫ్ట్‌లు ఇచ్చి పుచ్చుకుంటారని మాత్రం తొలిసారి తెలిసింది. ఇద్దరూ కలసి ఓ సినిమాలో నటించినప్పుడు కూడా ఆ విషయం తెలియలేదు. కానీ ఇప్పుడు బయటకు వచ్చింది. నయనతార సొంతంగా బిజినెస్ చేస్తున్న విషయం తెలిసిందే. అదే 9 స్కిన్. అందులో కాస్మొటిక్స్‌, ఇతర బ్యూటీ ప్రోడక్ట్స్‌ను అమ్ముతూ ఉంటారు. వాటి కోసం ప్రత్యేకంగా ప్రమోషన్లు కూడా చేస్తుంటుంది నయన్‌.
ఈ క్రమంలో (Samantha) సమంతకు ‘9 స్కిన్’ స్పెషల్‌ కిట్‌ను నయనతార పంపించిందట. ఈ విషయాన్ని సమంత స్వయంగా వెల్లడించింది. ఇన్‌స్టాగ్రామ్‌ స్టోరీలో దానికి సంబంధించిన ఫొటోను షేర్ చేస్తూ.. ఈ ప్రొడక్ట్స్ ఉపయోగించడానికి నేను చాలా ఆసక్తిగా ఉన్నాను అని రాసుకొచ్చింది. ‘9 స్కిన్‌కి అల్ ది వెరీ బెస్ట్ నయనతార’ అంటూ తన విషెష్‌ను కూడా చెప్పింది. ఈ పోస్ట్‌ చూసి ఇద్దరు హీరోయిన్ల అభిమానులు ఖుష్‌ అవుతున్నారు.
ఇక ఈ ఇద్దరి సినిమాల సంగతి చూస్తే… నయనతార ఇటలీవల ‘జైలర్‌’ సినిమాతో భారీ విజయం అందుకుంది. మరోవైపు సమంత ‘ఖుషి’ సినిమాతో మెప్పించింది. నయన్‌ తర్వాతి బాలీవుడ్‌ సినిమా సంజయ్‌ లీలా భన్సాలీతో చేస్తుందని టాక్‌ వస్తోంది. సమంత మాత్రం కొన్ని రోజులు గ్యాప్‌ తీసుకునే పనిలో ఉంది. అయితే ఇప్పటికే పూర్తి చేసిన ‘సిటాడెల్‌’ హిందీ వెబ్‌ సిరీస్‌ త్వరలో స్ట్రీమింగ్‌కి వచ్చే అవకాశం ఉంది.
గత 10 సినిమాల నుండి రామ్ బాక్సాఫీస్ పెర్ఫార్మన్స్ ఎలా ఉందంటే..?
‘బిగ్ బాస్ 7’ కంటెస్టెంట్ శుభ శ్రీ గురించి ఈ 14 విషయాలు మీకు తెలుసా?
‘బిగ్ బాస్ 7’ కంటెస్టెంట్ టేస్టీ తేజ గురించి 10 ఆసక్తికర విషయాలు
