యాడ్ కోసం భారీ రెమ్యునరేషన్ అందుకున్న తమన్నా, హన్సిక.!

తమ కంపెనీ ఉత్పత్తులు మార్కెట్లో విస్తరించడానికి క్రేజ్ ఉన్న హీరోని, హీరోయిన్ ని బ్రాండ్ అంబాసిడర్ గా ఎంచుకుంటారు వ్యాపారవేత్తలు. వారితో ప్రకటనలు చేసి.. మీడియాల్లో ఊదరగొడుతారు. అందుకు సదరు స్టార్స్ కి మంచి మొత్తాన్ని పారితోషికంగా ఇస్తుంటారు. అయితే చెన్నైలో శరవణ స్టోర్స్‌ యజమాని శరవణ కొత్త ప్లాన్ వేశారు. ఇద్దరు స్టార్ హీరోయిన్ తో ప్రకటన రూపొందించారు. ఒకరికి రెమ్యునరేష్ ఇవ్వడమే కష్టంగా భావిస్తారు అటువంటిది ఇద్దరినీ తన స్టోర్ ప్రచారానికి వాడుకోవడంతో అందరూ ఆశ్చర్యపోతున్నారు.

అంతేకాదు వారు ఒక సినిమాకి తీసుకునే మొత్తాన్ని ఇచ్చినట్లు టాక్. అంత ఇస్తానే ప్రకటనలో శరవణ పక్కన నటించడానికి తమన్నా, హన్సిక ఒకే చెప్పారని కోలీవుడ్ వర్గాలు తెలిపాయి. ఈ ముగ్గురిపై రీసెంట్ గా యాడ్ షూట్ పూర్తి అయింది. ఈ ప్రకటన గురించే అందరూ మాట్లాడుకుంటున్నారు. డబ్బుకోసం ఒక వ్యాపారితో కలిసి నటించి వారి ఇమేజ్ ని తగ్గించుకున్నారని కొంతమంది విమర్శిస్తున్నారు. సినిమాలు లేకపోతే ఇంత దిగజారాలా అని ఆగ్రహం వ్యక్తం చేసేవారు లేకపోలేదు. ఏది ఏమైనా తమన్నా, హన్సికల క్రేజ్ తమ స్టోర్స్ కి ప్రత్యేక ఇమేజ్ వస్తుందని యజమాని శరవణ భావిస్తున్నారు. శరవణ ఆలోచన ఎంత మేర ఫలితం అందిస్తుందో త్వరలోనే తెలియనుంది.