బాలకృష్ణకి దగ్గరికానున్న తారక్

ఎంత పేరు ప్రఖ్యాతలు సంపాదించుకున్నా యంగ్ టైగర్ ఎన్టీఆర్ కి నందమూరి ఫ్యామిలీలో చిన్నచూపే. అది నచ్చకే తారక్ మొదట నుంచి అంటీ అంటనట్లుగా ఉండేవారు. బాబాయ్, నటసింహ నందమూరి బాలకృష్ణతో ప్రత్యక్షంగా గొడవలు లేకపోయినా అతనితో ఎన్టీఆర్ కి మాటల్లేవు. ఈ గ్యాప్ ని తగ్గించుకునేందుకు అబ్బాయ్ ట్రై చేస్తున్నారు. వాస్తవానికి తారక్ పెళ్లి అయినప్పటి నుంచి చాలా మారారు. తండ్రి కాగానే ఆలోచనలో మార్పులు వచ్చాయి. నందమూరి కుటుంబ సభ్యులతో సఖ్యత పెరిగింది. అన్నయ్య కళ్యాణ్ రామ్ తో బంధం బలపడింది.

తాజాగా బాలయ్య కొడుకు మోక్షజ్ఞ ఎన్టీఆర్ ఇంటికి రావడంతో కోపాలు, అలకలు అన్నీ ఎగిరిపోయాయి. అందుకే గౌతమి పుత్ర శాతకర్ణి ని బాబాయ్ తో కలిసి చూడాలని అబ్బాయ్ అనుకుంటున్నారు. అంతేకాదు తన కొత్త సినిమా ప్రారంభోత్సవానికి బాలకృష్ణను ముఖ్యఅతిధిగా ఆహ్వానించాలని డిసైడ్ అయ్యారు. బాబాయ్, అబ్బాయ్ ఒకటైయితే పండుగ చేసుకోవడానికి నందమూరి అభిమానులు సిద్ధంగా ఉన్నారు.  ఆ శుభసందర్భం ఎంత తొందరగా వస్తుందో చూడాలి.

Also, do SUBSCRIBE to our YouTube channel to get latest Tollywood updates.