టాలీవుడ్ ప్రముఖ హీరోలలో ఒకరైన తారకరత్న హెల్త్ కు సంబంధించి గత కొన్ని రోజులుగా ఎలాంటి అప్ డేట్ రావడం లేదనే సంగతి తెలిసిందే. తారకరత్న ఆరోగ్యానికి సంబంధించి ఒకింత గందరగోళం నెలకొనడంతో ఫ్యాన్స్ టెన్షన్ పడుతున్నారు. అయితే తారకరత్న హెల్త్ కు సంబంధించి తాజాగా కీలక అప్డేట్ వచ్చింది. ప్రస్తుతం విదేశీ వైద్యుల ఆధ్వర్యంలో తారకరత్నకు చికిత్స జరుగుతోంది. న్యూరాలజీ నిపుణులు తారకరత్నకు చికిత్స చేస్తున్నారని ఆయన కోలుకుని సాధారణ మనిషి కావడానికి,
స్పృహలోకి రావడానికి ఎక్కువ సమయం పడుతుందని సమాచారం అందుతోంది. మరోసారి మూడు రోజుల తర్వాత మరోసారి వైద్యులు పరీక్షలు నిర్వహించనున్నారని సమాచారం. రిపోర్టుల ఆధారంగా వైద్యులు నిర్ణయం తీసుకోనున్నారని కామెంట్లు వ్యక్తమవుతున్నాయి. తారకరత్న త్వరగా కోలుకోవాలని నందమూరి అభిమానులు ప్రార్థనలు చేస్తున్నారు. తెలుగు రాష్ట్రాల్లోని పలు ప్రాంతాల్లో తారకరత్న త్వరగా కోలుకోవాలని హోమాలు కూడా జరుగుతున్నాయి. తారకరత్న ఆరోగ్యం విషయంలో కుటుంబ సభ్యులకు టెన్షన్ తగ్గలేదని తెలుస్తోంది.
ఈ రీజన్ వల్లే నందమూరి హీరోలెవరూ తారకరత్న ఆరోగ్యం గురించి స్పందించడం లేదని బోగట్టా. నందమూరి తారకరత్న సినిమాల్లో ఆశించిన స్థాయిలో సక్సెస్ సాధించకపోయినా మంచి మనిషిగా ప్రజల హృదయాల్లో గుర్తింపును సంపాదించుకున్నారు. నటుడిగా తారకరత్న మంచి పేరు తెచ్చుకున్నారు. నెగిటివ్ షేడ్స్ ఉన్న పాత్రలతో సైతం తారకరత్న సత్తా చాటారు. తారకరత్న పూర్తిస్థాయిలో కోలుకున్నారనే శుభవార్త వినాలని అభిమానులు ఆసక్తిగా ఎదురుచూస్తున్నారు.
ఎంతో మంచి భవిష్యత్తు ఉన్న తారకరత్న ఆరోగ్యం విషయంలో కూడా ఎన్నో జాగ్రత్తలు తీసుకునే వారని సమాచారం. తారకరత్నను విదేశాలకు తీసుకెళతారని వార్తలు ప్రచారంలోకి వచ్చినా ఆ వార్తల్లో నిజం లేదని తెలుస్తోంది. తారకరత్నకు స్పృహ వచ్చినా ఆయన మామూలు మనిషి అవ్వాలంటే మాత్రం చాలా సమయం పడుతుందని వైద్యనిపుణులు పేర్కొన్నారు.
అమిగోస్ సినిమా రివ్యూ & రేటింగ్!
పాప్ కార్న్ సినిమా రివ్యూ & రేటింగ్!
వేద సినిమా రివ్యూ & రేటింగ్!
యూ.ఎస్ లో టాప్ గ్రాసర్స్ గా నిలిచిన 10 టాలీవుడ్ సినిమాలు..!
