నాని హీరోగా ‘హాయ్ నాన్న’ అనే సినిమా రూపొందింది. డిసెంబర్ 7 న ఈ సినిమా ప్రేక్షకుల ముందుకు రానుంది. దీని తర్వాత నాని చేయబోయే సినిమా ఏంటా? అనే ఆసక్తి అందరిలోనూ ఏర్పడింది. రెండు ప్రాజెక్ట్స్ ను నాని లైన్ లో పెట్టాడు. ఒకటి ‘డాన్’ దర్శకుడు సిబి చక్రవర్తి దర్శకత్వంలో చేయబోతున్న సినిమా కాగా..! ఇంకోటి ‘అంటే సుందరానికి’ దర్శకుడు వివేక్ ఆత్రేయతో చేయబోతున్న మూవీ కావడం విశేషం.
ఇందులో వివేక్ ఆత్రేయ ప్రాజెక్టుని నాని (Nani) ముందుగా మొదలుపెట్టే ఛాన్స్ ఉంది. ‘అంటే సుందరానికీ!’ చిత్రం థియేట్రికల్ గా పెద్దగా సక్సెస్ ఫుల్ మూవీ కాదు. అయినప్పటికీ ఆ సినిమాని కొంతమంది క్లాసిక్ అంటుంటారు. ఆ సినిమా రిలీజ్ అయిన టైం బ్యాడ్ అయ్యుండొచ్చు అని.. ఆ సినిమాని థియేటర్లో చూడని ప్రేక్షకులు చెబుతూ ఉంటారు.అందుకే నాని కూడా వివేక్ ఆత్రేయకి ఇంకో సినిమా చేసే ఛాన్స్ ఇచ్చాడు. ‘ఆర్ఆర్ఆర్’ ఫేమ్ డివివి దానయ్య ఈ చిత్రాన్ని నిర్మించబోతున్నారు.
ప్రీ ప్రొడక్షన్ వర్క్ కూడా మొదలైంది.ఈ చిత్రం కోసం ఓ ఇంట్రెస్టింగ్ టైటిల్ ను ఫిక్స్ చేసినట్టు టాక్ నడుస్తుంది. అదే ‘సరిపోదా శనివారం’ అనే టైటిల్ కావడం విశేషం. వినడానికి ఈ టైటిల్ ఇంట్రెస్టింగ్ గానే ఉంది. అయితే మరోపక్క అజయ్ భూపతి ‘మంగళవారం’ అనే సినిమా చేస్తున్న సంగతి తెలిసిందే. ఇలాంటి టైంలో ‘సరదాగా శనివారం’ అనే టైటిల్ అనౌన్స్ చేయడం కాస్త ఫన్నీగా అనిపించొచ్చు.
భగవంత్ కేసరి సినిమా రివ్యూ & రేటింగ్!
లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!
Home