ఇటీవల కాలంలో సినిమా ఇండస్ట్రీలో చాలామంది కరోనా భారిన పడుతున్న విషయం తెలిసిందే. ఇప్పటికే మంచు మనోజ్, మంచు లక్ష్మి, విశ్వక్ సేన్ అలాగే మహేష్ బాబు, నితిన్ సతీమణి ఇలా వరుసగా సినిమా ఇండస్ట్రీలో ప్రముఖులు కరోనా తో పోరాడుతున్నారు. సెకండ్ వేవ్ అనంతరం మెల్లగా తగ్గుతుందని అనుకున్న సమయంలో కరోనా మళ్ళీ ఓమిక్రాన్ వేరియెంట్ రూపంలో మరింత ఎక్కువగా వ్యాప్తి చెందుతోంది. ఇక ఎంతో జాగ్రత్తగా ఉండే సెలబ్రిటీలు ప్రముఖులు కూడా కరోనా భారిన పడుతుండడం హాట్ టాపిక్ గా మారింది.
ఇప్పటికే చాలా మంది సెలబ్రిటీలు కరోనా బారిన పడ్డారు. తాజాగా మరో ప్రముఖ నటి వరలక్ష్మి శరత్ కుమార్ కూడా కరోనా టెస్ట్ చేయించుకోగా పాజిటివ్ గా వచ్చినట్లు తెలిపారు. అలాగే సంగీత దర్శకుడు థమన్ కు కూడా కరోనా పాజిటివ్ వచ్చింది. ఈ ఇద్దరు కూడా ప్రస్తుతం వారి ఇంట్లోనే చికిత్స తీసుకుంటున్నారు. వరలక్ష్మి శరత్ కుమార్ ఇటీవల కాలంలో తెలుగులో కూడా బిజీ బిజీగా కనిపిస్తున్న విషయం తెలిసిందే. క్రాక్ సినిమాలో విలన్ గా చేసిన అనంతరం ఆమెకు మరిన్ని అవకాశాలు వస్తున్నాయి.
నాంది సినిమాలో చేసిన మరో పవర్ఫుల్ క్యారెక్టర్ తో కూడా మంచి గుర్తింపును అందుకుంది. ప్రస్తుతం గోపిచంద్ మలినేని, బాలకృష్ణ కలయికలో వస్తున్న సినిమా కోసం ఆమె సిద్ధంగా ఉన్న సమయంలో అనుకోని విధంగా కరోనా భారిన పడ్డారు. ఇక మరోవైపు థమన్ గ్యాప్ లేకుండా సినిమాలు చేస్తున్న విషయం తెలిసిందే.
సర్కారు వారి పాటకు సంబంధించిన అప్డేట్స్ కూడా ఇవ్వడానికి రెడీ అయ్యారు. మరోవైపు రాధేశ్యామ్ సినిమాకు అలాగే మరికొన్ని సినిమాలకు కూడా బ్యాక్ గ్రౌండ్ మ్యూజిక్ ఇచ్చే సమయంలో ఊహించని విధంగా కరోనా భారిన పడ్డారు. ఇక మూడవ వేవ్ ఇప్పటికే మొదలైనట్లు కొంతమంది ప్రముఖులు హెచ్చరిస్తున్నారు. వీలైనంత వరకు మరికొన్ని రోజులు కరోనా రాకుండా జాగ్రత్తలు తీసుకోవాలని సూచిస్తున్నారు.
Most Recommended Video
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
Home