SS Thaman: చేతిలో ఆరు సినిమాలు.. ఇప్పుడు మరొకటి!

మ్యూజిక్ డైరెక్టర్ థమన్ కు ఓపిక మామూలుగా లేదు. మంచి ఆఫర్స్ వస్తే ఏ మాత్రం రిజెక్ట్ చేయడం లేదు. ఒకప్పుడు ఆఫర్ వచ్చిన వెంటనే కథలు వినకుండా ఎలా పడితే అలా ఒప్పేసుకునేవాడు. కానీ చాలా రోజుల తరువాత గాని ఆ విషయంలో థమన్ కు క్లారిటీ రాలేదు. మంచి కంటెంట్ ఉన్న కథలను మాత్రమే ఒప్పుకోవాలని డిసైడ్ అయ్యాడు. ముఖ్యంగా అల.. వైకుంఠపురములో హిట్టయిన అనంతరం అతని మ్యూజిక్ లో చాలా మార్పులు వచ్చాయి.

ప్రస్తుతం చేతిలో మంచి సినిమాలే ఉన్నాయి. మహేష్ బాబు సర్కారు వారి పాటతో పాటు త్రివిక్రమ్ తో చేయబోయే కొత్త సినిమాకు కూడా ట్యూన్స్ అందిస్తున్నాడు. ఇక టక్ జగదీష్ విడుదలకు సిద్దంగా ఉండగా అఖండ సినిమా షూటింగ్ దశలో ఉంది. అఖిల్ – సురేంధర్ రెడ్డి ఏజెంట్ తో కూడా రెడీ కానున్న విషయం తెలిసిందే. ఇక ఈ సినిమాలతో పాటు పవర్ స్టార్ అయ్యప్పనుమ్ కొశీయుమ్ రీమేక్ కోసం కూడా సెలెక్ట్ అయ్యాడు.

అఫీషియల్ గా చేతిలో ఆరు సినిమాలు సెట్ చేసుకున్న థమన్ మరో ప్రాజెక్టుకు కూడా గ్రీన్ సిగ్నల్ ఇవ్వనున్నట్లు తెలుస్తోంది. గోపిచంద్ మలినేని – బాలకృష్ణ కాంబినేషన్ లో రానున్న ఫ్యాక్షన్ బ్యాక్ డ్రాప్ సినిమాకు కూడా గ్రీన్ సిగ్నల్ ఇచ్చినట్లు సమాచారం. క్రాక్ సినిమాకు అదిరిపోయే మ్యూజిక్ ఇవ్వడంతో దర్శకుడు గోపీచంద్ మరో ఆలోచన లేకుండా మ్యూజిక్ డైరెక్టర్ గా థమన్ కావాలని ప్రొడక్షన్ హౌజ్ మైత్రి మూవీ మేకర్స్ కు క్లారిటీ ఇచ్చేసినట్లు సమాచారం. త్వరలోనే ఈ విషయంపై అఫీషియల్ గా క్లారిటీ ఇవ్వనున్నట్లు తెలుస్తోంది.

Most Recommended Video

ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!