Thaman: పవన్ కి ఐదు, మహేష్ కి ఐదు

గత ఏడాది అల్లు అర్జున్ తో త్రివిక్రమ్ తీసిన అలవైకుంఠపురములో సినిమా భారీ సక్సెస్ కొట్టిన విషయం తెలిసిందే. పూజా హెగ్డే హీరోయిన్ గా నటించిన ఈ సినిమాలోని సాంగ్స్ నేషనల్ వైడ్ గా కూడా ఎంతో పాపులర్ అయి సంగీత దర్శకుడిగా థమన్ కి సూపర్ క్రేజ్ తెచ్చిపెట్టాయి. ఇక అక్కడి నుండి వరుసగా అనేక బడా సినిమాల అవకాశాలు అందుకున్న థమన్, ప్రస్తుతం చేస్తున్న సినిమాల్లో సూపర్ స్టార్ మహేష్, పవర్ స్టార్ పవన్ కళ్యాణ్ భీమ్లా నాయక్ ముఖ్యమైనవి.

మహేష్ కి జోడీగా కీర్తి సురేష్ నటిస్తున్న సర్కారు వారి పాటకి పరశురామ్ దర్శకత్వం వహిస్తుండగా భారీ మాస్, కమర్షియల్ ఎంటర్టైనర్ గా ఈ సినిమా తెరకెక్కుతోంది. అందుతున్న సమాచారం ప్రకారం ఈ సినిమా నుండి ఫస్ట్ సాంగ్ ని సెప్టెంబర్ 10న విడుదల చేయనున్నట్లు టాక్. ఇక మరోవైపు సాగర్ కె చంద్ర దర్శకత్వంలో పవర్ స్టార్ పవన్ కళ్యాణ్, రానా కలిసి నటిస్తున్న భీమ్లా నాయక్ సినిమా ప్రస్తుతం శరవేగంగా షూటింగ్ జరుపుకుంటోంది. కాగా ఈ సినిమా నుండి ఫస్ట్ సాంగ్ ని పవర్ స్టార్ బర్త్ డే సందర్భంగా సెప్టెంబర్ 2న విడుదల చేయనున్నారు.

కాగా అటు సర్కారు వారి పాట, ఇటు భీమ్లా నాయక్ రెండు సినిమాల్లోనూ సాంగ్స్ తో పాటు బ్యాక్ గ్రౌండ్ స్కోర్ ని థమన్ అదరగొట్టినట్లు సమాచారం. సర్కారు వారి పాట లో ఐదు సాంగ్స్ ఉండగా అందులో రెండు మెలోడీ, ఒక మాస్ అదిరిపోతాయని టాక్. అలానే భీమ్లా నాయక్ లో కూడా మొత్తం ఐదు సాంగ్స్ ఉండగా అందులో రెండు మాస్ సాంగ్స్ మరొక స్పెషల్ సాంగ్ సూపర్బ్ గా వచ్చాయట. మొత్తంగా దీనిని బట్టి థమన్ ఈ రెండు సినిమాల మ్యూజిక్ అదరగొట్టినట్లు తెలుస్తోంది.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!