Karthikeya 2: దిల్ రాజు ఫోన్ చేశారంటే ఎంతో గర్వపడాలి: తమ్మారెడ్డి భరద్వాజ్

August 20, 2022 / 03:35 PM ISTByFilmy Focus

Join Us

Karthikeya 2: దిల్ రాజు ఫోన్ చేశారంటే ఎంతో గర్వపడాలి: తమ్మారెడ్డి భరద్వాజ్

తెలుగు సినిమా ఇండస్ట్రీలో నిర్మాతగా కొనసాగిన తమ్మారెడ్డి భరద్వాజ్ నిత్యం ఇండస్ట్రీకి సంబంధించిన ఏదో ఒక విషయం గురించి సోషల్ మీడియా వేదికగా పెద్ద ఎత్తున సంచలన వ్యాఖ్యలు చేస్తూ ఉంటారు. ఈ క్రమంలోనే తాజాగా ఈయన కార్తికేయ 2 సినిమా విషయంలో నిర్మాత దిల్ రాజు గురించి పలు ఆసక్తికరమైన వ్యాఖ్యలు చేశారు. నిఖిల్ కార్తికేయ 2సినిమా విడుదల కాకుండా కొందరు అడ్డుకున్నారంటూ పరోక్షంగా దిల్ రాజు గురించి ప్రస్తావించారు.

ఈ క్రమంలోనే ఈ సినిమా మంచి హిట్ అవడంతో ఈ సినిమా సక్సెస్ మీట్ కార్యక్రమంలో భాగంగా దిల్ రాజు మీడియాపై చిరు కోపం ప్రదర్శించారు. ఈ విధంగా ఈ సినిమా విషయంలో దిల్ రాజు మీడియాపై ఆగ్రహం చేస్తున్నప్పటికీ నిఖిల్ మాత్రం చూస్తూ ఉండిపోయారు. అనంతరం ఆయన మాట్లాడుతూ నా సినిమాని వాయిదా వేసుకోమని దిల్ రాజు ఎప్పుడు చెప్పలేదని ఆయన వల్లే నా సినిమా ఇలా సక్సెస్ గా విడుదలైందంటూ షాకింగ్ కామెంట్ చేశారు.

ఈ విధంగా దిల్ రాజు గురించి గతంలో సంచలన వ్యాఖ్యలు చేసిన నిఖిల్ ఒకసారిగా ప్లేట్ మార్చడంతో అందరూ ఆశ్చర్యపోయారు.అయితే ఈ విషయంపై తమ్మారెడ్డి భరద్వాజ స్పందిస్తూ సినిమా ఇండస్ట్రీలో ఒక సినిమా విడుదలవుతుందంటే మరొక సినిమాని వాయిదా వేసుకోమని చెప్పడం సర్వసాధారణం ఇది ఎప్పటినుంచో వస్తుంది.ఈ క్రమంలోనే దిల్ రాజు కూడా తన థాంక్యూ సినిమా విడుదల కావడంతో నిఖిల్ సినిమాని వాయిదా వేసుకోమని అడిగి ఉంటారని కామెంట్ చేశారు.

ఈ విధంగా దిల్ రాజు వంటి వారు కార్తికేయ 2 సినిమాని వాయిదా వేసుకోమని చెప్పారు అంటే తప్పకుండా ఈ సినిమా హిట్ అవుతుందని దిల్ రాజు గారు ముందే ఊహించారు. ఈ సినిమా హిట్ అవుతే తన సినిమా పరిస్థితి అగమ్య గోచరంగా మారిపోతుందని భావించిన దిల్ రాజు ఈ చిత్ర బృందానికి ఫోన్ చేసి సినిమా వాయిదా వేసుకోమని చెప్పి ఉండచ్చని తెలిపారు.

ఇలా దిల్ రాజు వంటి వారే ఫోన్ చేసి మన సినిమా వాయిదా వేసుకోమన్నారు అంటే మన సినిమా పక్కా హిట్ అని గర్వపడాలి అంటూ ఈ సందర్భంగా ఈయన పేర్కొన్నారు. ఏది ఏమైనా దిల్ రాజ్ కార్తికేయ 2 సినిమాకి భయపడే తన సినిమాని వాయిదా వేసుకోమని చెప్పి ఉంటారంటూ ఈ సందర్భంగా తమ్మారెడ్డి భరద్వాజ్ పేర్కొన్నారు.