శంకర్ రామ్ చరణ్ కాంబినేషన్ లో తెరకెక్కనున్న సినిమాకు ఆవాంతరాలు తొలగిపోయాయి. సెప్టెంబర్ నెల నుంచి ఈ సినిమా షూటింగ్ ప్రారంభమయ్యే అవకాశాలు అయితే ఉన్నాయని తెలుస్తోంది. త్వరలో ఈ సినిమాలో నటించే హీరోయిన్, ఇతర సాంకేతిక నిపుణులకు సంబంధించిన వివరాలు వెల్లడయ్యే అవకాశాలు ఉన్నాయని సమాచారం. అయితే శంకర్ చరణ్ కలయికకు నరసింహారావు అనే వ్యక్తి కారణమని సమాచారం. శంకర్ దగ్గర చాలా సంవత్సరాల నుంచి నరసింహారావు అసిస్టెంట్ డైరెక్టర్ గా పని చేస్తుండగా శంకర్ తో అతనికి మంచి సాన్నిహిత్యం ఉంది.
కొన్ని సంవత్సరాల క్రితం నరసింహారావు శరభ అనే సినిమాకు దర్శకత్వం వహించారు. ఆ తర్వాత నరసింహారావు దిల్ రాజు కాంపౌండ్ లో చేరి సీనయ్య అనే సినిమాను ప్లాన్ చేయగా ఈ సినిమా కొన్ని కారణాల వల్ల ఆగిపోయింది. నరసింహారావుకు శంకర్ తో ఉన్న సాన్నిహిత్యం వల్లే ఈ ప్రాజెక్ట్ ఓకే అయినట్లు సమాచారం. నరసింహారావు వల్ల ఇండియన్ 2 సినిమాకు నిర్మాతగా వ్యవహరించే అవకాశం మొదట దిల్ రాజుకు వచ్చినా కొన్ని కారణాల వల్ల దిల్ రాజు అంగీకరించలేదనే సంగతి తెలిసిందే.
చరణ్ హీరోగా దిల్ రాజు పాన్ ఇండియా సినిమాను నిర్మించడానికి సిద్ధమవగా శంకర్ ఈ సినిమాతో మరో సక్సెస్ ను సొంతం చేసుకోవాలని భావిస్తున్నారు. ఈ సినిమా ఎలాంటి రిజల్ట్ ను సాధిస్తుందో చూడాల్సి ఉంది. ఈ సినిమాకు మ్యూజిక్ డైరెక్టర్ గా థమన్, ఎ ఆర్ రెహమాన్ పేర్లు వినిపిస్తుండగా హీరోయిన్లుగా కియారా అద్వానీ, అలియా భట్ లలో ఒకరు నటించే అవకాశాలు ఉన్నాయని తెలుస్తోంది.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!</a
