The Rajasaab: ‘ది రాజాసాబ్’ ఇంట్రెస్టింగ్ అప్డేట్.. కానీ..!

పాన్ ఇండియా స్టార్ ప్రభాస్ (Prabhas) నటించిన ‘ది రాజాసాబ్’ ’(The Rajasaab) సినిమా ఈ పాటికే రిలీజ్ కావాలి. ఏప్రిల్ 10న వరల్డ్ వైడ్ గా రిలీజ్ అవుతుంది అని ప్రకటించారు. కానీ రిలీజ్ కాలేదు. కనీసం వాయిదా వేసినట్టు ఎటువంటి ప్రకటన చేసింది లేదు. ‘పీపుల్ మీడియా ఫ్యాక్టరీ’ సంస్థ ఈ సినిమా రిలీజ్ గురించి ఎటువంటి అప్డేట్ ఇవ్వడం లేదు. దీంతో దర్శకుడు మారుతిని  (Maruthi Dasari)   సోషల్ మీడియాలో తెగ ట్రోల్ చేస్తున్నారు నెటిజన్లు.

The Rajasaab

ఛాన్స్ దొరికిన ప్రతిసారి మారుతిని ఓ రేంజ్లో ఆడుకుంటున్నారు. మారుతి ఎవరిపైనా కోప్పడకుండా.. వారికి కూల్ గా సమాధానాలు ఇస్తూ వస్తున్నాడు. ‘నా వర్క్ మీకు చూపించాలని.. ఎక్కువగా తాపత్రయపడుతున్నట్టు’ చెప్పి మాట దాటేస్తున్నాడు. మరోపక్క.. ‘ది రాజాసాబ్’ టీజర్ కి ముహూర్తం ఫిక్స్ అయినట్లు టాక్ నడుస్తుంది. మరోపక్క ప్రభాస్ లేని పార్ట్ ను చిత్రీకరిస్తున్నారు మారుతి. ప్రభాస్ మాత్రం ‘ఫౌజి’ షూటింగ్లో పాల్గొంటున్నాడు. ఇటీవల టీజర్ కి సంబంధించి తన పార్ట్ కి డబ్బింగ్ చెప్పాడట ప్రభాస్.

జూన్ 6న ‘ది రాజాసాబ్’ టీజర్ రిలీజ్ అయ్యే అవకాశాలు ఉన్నాయని అంటున్నారు. అందులోనే కొత్త రిలీజ్ డేట్ కూడా ప్రకటించే అవకాశం కనిపిస్తుంది. డిసెంబర్ 5న ‘రాజాసాబ్’ రిలీజ్ అవ్వబోతున్నట్టు ఇండస్ట్రీలో టాక్ నడుస్తుంది.ఇవన్నిటికీ ఒక క్లారిటీ రావాలంటే.. ముందుగా నిర్మాతలు టీజర్ అనౌన్స్మెంట్ ఇవ్వాలి. ఆ అనౌన్స్మెంట్ వస్తే రిలీజ్ డేట్ పై క్లారిటీ వస్తుంది అలాగే ఫ్యాన్స్ ఫ్రస్ట్రేషన్ కూడా తగ్గుతుంది.