The RajaSaab: ‘ది రాజాసాబ్’ టీజర్..ఇలా కూడా బాగానే వర్కౌట్ అయ్యిందిగా..!

ఒకప్పటిలా ఇప్పుడు సినిమాలకి బిజినెస్ అంత ఈజీగా జరగడం లేదు. అది ఎంత స్టార్ హీరో సినిమాకి అయినా సరే..! స్టార్ హీరో సినిమాకి స్టార్ డైరెక్టర్ ఉంటే బిజినెస్ కేక్ వాక్. కానీ స్టార్ హీరో కొత్త దర్శకుడు లేదా ప్లాప్ దర్శకుడితో చేస్తుంటే మాత్రం బిజినెస్ త్వరగా జరగడం లేదు.

The RajaSaab

కానీ నిర్మాతలు హీరోని బట్టి ఎక్కువ బడ్జెట్ పెట్టాల్సి వస్తుంది. ఇలాంటి ప్రాజెక్టులకు టీజర్ లేదా గ్లింప్స్ రిలీజ్ చేసి బజ్ తీసుకురాగలిగితే.. అప్పుడు ఓటీటీ సంస్థలు వంటివి ఫోన్లు చేసి.. చర్చలు పెట్టి ఆఫర్స్ ఇస్తున్నారు. అప్పుడు అవి నచ్చితే మేకర్స్ వెంటనే వాటికి ఓకే చెబుతున్నారు. లేదు అంటే.. మంచి ఆఫర్స్ వచ్చే వరకు వెయిట్ చేస్తున్నారు.

ఇదిలా ఉండగా.. ప్రభాస్ (Prabhas) హీరోగా ‘ది రాజాసాబ్’ (The RajaSaab) రూపొందుతుంది. దీనికి దర్శకుడు మారుతి (Maruthi). అయితే ఇప్పుడు అతను ప్లాపుల్లో ఉన్నాడు. కాబట్టి.. ‘ది రాజాసాబ్’ (The RajaSaab) కి నాన్ థియేట్రికల్ డీల్స్ వెంటనే రాలేదు. అందుకే మేకర్స్ టీజర్ లాంచ్ ను గ్రాండ్ ఏర్పాటు చేశారు. అది సక్సెస్ అయ్యింది. టీజర్ కి కూడా మంచి స్పందన లభించింది.

దీంతో ఇప్పుడు నాన్ థియేట్రికల్ డీల్స్ మంచిగా వస్తున్నట్టు వినికిడి. అందుతున్న సమాచారం ప్రకారం… ‘ది రాజాసాబ్’ (The RajaSaab) కి నాన్ థియేట్రికల్ రైట్స్ రూపంలో రూ.250 కోట్ల డీల్స్ వచ్చాయట. కానీ నిర్మాత రూ.360 కోట్ల వరకు బడ్జెట్ పెట్టారు. అందుకే కంగారు పడటం లేదని వినికిడి. ప్రస్తుతానికైతే చర్చలు నడుస్తున్నాయి.

2026 సంక్రాంతిని మరింత రఫ్ఫాడించేందుకు అనిల్ మాస్టర్ ప్లాన్