Jana Nayagan: జన నాయగన్ సినిమా లీక్.. కారణం వాళ్ళే!

తమిళనాడు ముఖ్యమంత్రి, దళపతి విజయ్ (Vijay) నటించిన ఆఖరి సినిమా జన నాయగన్ (Jana Nayagan) ఎన్నో వివాదాలు, సెన్సార్ సమస్యలు, కోర్టు కేసుల మధ్య ఇరుక్కుని దాదాపు 7 నెలలు ఆలస్యంగా థియేటర్‌లలో విడుదల కానుంది. జూలై 23న తెలుగు, తమిళ, కన్నడ, హిందీ భాషలలో జన నాయగన్ ప్రేక్షకుల ముందుకొస్తోంది. ఈ సినిమాలో విజయ్ సరసన పూజా హెగ్డే హీరోయిన్‌గా నటిస్తుండగా.. మమితా బైజు, బాబీ డియోల్‌లు కీలకపాత్రలు పోషిస్తున్నారు. కేవీఎన్ ప్రొడక్షన్స్ బ్యానర్‌పై వెంకట్ కే నారాయణ ఈ సినిమాను నిర్మిస్తుండగా హెచ్ వినోద్ దర్శకత్వం వహించారు.సినిమా విడుదల నేపథ్యంలో గతంలోని పాత విషయాలపై చర్చ జరుగుతోంది. ప్రధానంగా జన నాయగన్ విడుదల ఆగిపోయిన తర్వాత ఈ మూవీ ఒరిజినల్ హెచ్‌డీ ప్రింట్ లీక్ కావడం చిత్ర పరిశ్రమను షాక్‌కు గురిచేసింది. విజయ్‌ని రాజకీయంగా దెబ్బ కొట్టడానికి అప్పటి డీఎంకే వర్గీయులు ఇలా చేశారని ఆరోపణలు వచ్చాయి.

Jana Nayagan

పోలీసులు ఆగమేఘాల మీద స్పందించి ఈ లీకేజీ వెనకున్న వారిని అరెస్ట్ చేయడంతో పాటు సైబర్ నిపుణుల సాయంతో నెట్‌లో ఉన్న జన నాయగన్ వీడియోలను చాలా వరకు తొలగించారు. కానీ అప్పటికే సినిమా జనంలోకి వెళ్లిపోయింది.ఇది రాజకీయ పరమైన కుట్ర కాదని.. ఉద్దేశపూర్వకంగానే కొందరు జన నాయగన్ ప్రింట్‌ని లీక్ చేశారని కోలీవుడ్‌లో ఊహాగానాలు వినిపించాయి. మూవీపై హైప్ పెంచడానికి, సినిమా రిలీజ్ అయ్యేందుకు అభిమానుల నుంచి ఒత్తిడి వచ్చేలా కుట్ర చేశారని, విజయ్‌ని ఎన్నికల్లో గెలిపించడానికి చిత్ర యూనిట్ ఈ ఎత్తు వేసిందని రకరకాల థియరీలు హల్‌చల్ చేశాయి. ఈ నిరాధారమైన ఆరోపణలను నాడే చిత్ర యూనిట్ ఖండించింది.

జన నాయగన్ (Jana Nayagan) రిలీజ్ సందర్భంగా సినిమా ప్రమోషనల్ కార్యక్రమాల్లో దర్శకుడు హెచ్ వినోద్ పాల్గొంటున్నారు. వరుస ఇంటర్వ్యూలు ఇస్తూ ఈ సినిమాకు సంబంధించిన ఆసక్తికరమైన విషయాలను పంచుకుంటున్నారు. ఈ క్రమంలోనే జన నాయగన్‌ మూవీని ఉద్దేశపూర్వకంగానే లీక్ చేశారా అంటూ వస్తున్న వార్తలపై మీ సమాధానం ఏంటీ అంటూ యాంకర్ అడిగిన ప్రశ్నకు వినోద్ ఆన్సర్ చేశారు. ఈ ఆరోపణల వెనుక రాజకీయ పరమైన అంశాలు ఉన్నాయి.

ఎన్నో వ్యయ ప్రయాసలతో, అత్యంత భారీ బడ్జెట్‌తో తెరకెక్కించిన సినిమాను ఏ నిర్మాత, దర్శకుడు లీక్ చేయడు. అలాంటి పనులు చేస్తే దొంగల్ని పట్టుకోవడానికి అధికారులకు ఎక్కువసేపు పట్టదని వినోద్ తెలిపారు.లీకేజ్ వ్యవహారం వెనుక వాస్తవాలు ఏంటనేది ప్రజలు గమనిస్తూనే ఉన్నారు. అలాగే ఈ పరిణామాలపై విజయ్ (Vijay) ఆనాడే స్పందించి ఉంటే.. ఆయనను టార్గెట్ చేసేవారు. లీక్ జరిగిన వెంటనే నిర్మాత హుటాహుటిన పోలీసులను ఆశ్రయించడం, చర్యలు తీసుకోవడం జరిగింది. ఎన్నో అడ్డంకులను దాటుకుని జన నాయగన్ విడుదలకు సిద్ధమైంది. మేం పడిన కష్టానికి, క్షోభకు ఖచ్చితంగా న్యాయం జరుగుతుందని హెచ్ వినోద్ చెప్పారు.

శ్రీలీలను కాకుండా మమితను ఎందుకు తీసుకున్నారు? డైరక్టర్‌ ఆన్సర్‌ ఇదే