Ram Charan: చరణ్ షాకింగ్ నిర్ణయం వెనుక అసలు కారణమిదేనా?

August 29, 2022 / 07:29 PM ISTByFilmy Focus

Join Us

Ram Charan: చరణ్ షాకింగ్ నిర్ణయం వెనుక అసలు కారణమిదేనా?

ఈ ఏడాది ఆర్ఆర్ఆర్ సినిమాతో చరణ్ ఖాతాలో బిగ్గెస్ట్ బ్లాక్ బస్టర్ చేరింది. ఈ సినిమాలో చరణ్ నటనకు మంచి మార్కులు పడ్డాయి. క్లైమాక్స్ లో రామరాజు పాత్రలో చరణ్ కనిపించిన తీరుకు ప్రేక్షకులకు గూస్ బంప్స్ వచ్చాయి. రామ్ చరణ్ అభిమానులకు ఆర్ఆర్ఆర్ సినిమా ఎంతగానో నచ్చింది. అయితే ఈ సినిమా విడుదలైన నెలరోజుల తర్వాత థియేటర్లలో ఆచార్య సినిమా విడుదలైందనే సంగతి తెలిసిందే. ఆచార్య సినిమా ప్రేక్షకుల అంచనాలను ఏ మాత్రం అందుకోలేదు.

ఈ సినిమాలో చరణ్ పోషించిన సిద్ధ పాత్రకు ప్రేక్షకుల నుంచి నెగిటివ్ మార్కులు పడ్డాయి. అయితే ఆచార్య ఆశించిన ఫలితాన్ని అందుకోకపోవడంతో ఈ మధ్య కాలంలో చరణ్ మీడియాకు దూరంగా ఉంటున్నారని ఇండస్ట్రీ వర్గాల్లో వినిపిస్తోంది. సోషల్ మీడియాలో కూడా రామ్ చరణ్ అరుదుగా పోస్టులు పెడుతుండటం గమనార్హం. ఆర్ఆర్ఆర్ లో మరో హీరోగా నటించిన జూనియర్ ఎన్టీఆర్, ఆర్ఆర్ఆర్ డైరెక్టర్ రాజమౌళి మీడియా మీట్స్ లో కనిపిస్తున్నా చరణ్ మాత్రం ఎక్కువగా కనిపించడం లేదు.

బ్రహ్మాస్త్రం ఈవెంట్ కు తారక్ హాజరవుతుండగా ఈ ఈవెంట్ కు చరణ్ కూడా హాజరైతే బాగుంటుందని పలువురు అభిమానులు భావిస్తుండటం గమనార్హం. ఆచార్య సినిమా ఫలితం చరణ్ ను బాగా నిరాశకు గురి చేసిందని కామెంట్లు వ్యక్తమవుతున్నాయి. ఆచార్య సినిమా భారీ బడ్జెట్ తో తెరకెక్కగా ఈ సినిమాకు డిజాస్టర్ టాక్ రావడంతో ఈ సినిమా నిర్మాతలకు భారీ నష్టాలు మిగిలాయి.

రామ్ చరణ్ ప్రస్తుతం శంకర్ డైరెక్షన్ లో నటిస్తున్న సంగతి తెలిసిందే. 200 కోట్ల రూపాయలకు పైగా బడ్జెట్ తో ఈ సినిమా తెరకెక్కుతోంది. ఈ సినిమాతో చరణ్ ఖాతాలో మరో బ్లాక్ బస్టర్ చేరుతుందని చరణ్ మళ్లీ మీడియాలో, సోషల్ మీడియాలో యాక్టివ్ కావాలని అభిమానులు కోరుకుంటున్నారు.