కన్నడ కస్తూరి రష్మిక మందన్నాకు ప్రేక్షకుల్లో ఉండే ఫ్యాన్ ఫాలోయింగ్ అంతాఇంతా కాదు. పుష్ప ది రైజ్ తో రష్మిక ఖాతాలో మరో బ్లాక్ బస్టర్ హిట్ చేరింది. పుష్ప ది రైజ్ లో రష్మిక పాత్రకు ఎక్కువగా ప్రాధాన్యత దక్కకపోయినా పార్ట్ 2లో మాత్రం రష్మిక పుల్ లెంగ్త్ రోల్ లో కనిపిస్తారని ప్రచారం జరుగుతోంది. అయితే తాజాగా ఈ బ్యూటీ తన ఇంట్లో ప్రత్యేక పూజలు చేయించగా అందుకు సంబంధించిన వీడియోలు నెట్టింట వైరల్ అయ్యాయి.
ప్రముఖ జ్యోతిష్కులలో ఒకరైన వేణుస్వామి ఈ పూజలు చేయించడంతో మరింత ఎక్కువగా చర్చ జరుగుతోంది. వివాదాల స్వామిగా పేరు సంపాదించుకున్న వేణుస్వామి చైసామ్ వైవాహిక జీవితంపై సంచలన వ్యాఖ్యలు చేసిన సంగతి తెలిసిందే. జాతకంలో ఉండే దోషాలకు పరిహారం కోసమే రష్మిక పూజలు చేసి ఉండవచ్చని నెటిజన్లు భావిస్తున్నారు. మరి కొందరు మాత్రం రష్మిక కెరీర్ కోసమో, పెళ్లికోసమో పూజలు చేశారని చెబుతున్నారు. రష్మిక స్వయంగా స్పందించి వివరణ ఇస్తే మాత్రమే ఈ పూజల గురించి క్లారిటీ వచ్చే ఛాన్స్ అయితే ఉంది.
మరోవైపు రష్మిక నటించిన మిషన్ మజ్ను, గుడ్ బై సినిమాల షూటింగ్ లు జరుగుతున్నాయి. వచ్చే ఏడాది ఈ రెండు సినిమాలు థియేటర్లలో రిలీజ్ కానున్నాయి. బాలీవుడ్ ఇండస్ట్రీలో కూడా హీరోయిన్ గా రష్మిక మందన్నా సక్సెస్ సాధిస్తారేమో చూడాల్సి ఉంది. రష్మిక నటించిన బాలీవుడ్ సినిమాలు సక్సెస్ సాధిస్తే మాత్రమే ఆమెకు అక్కడ మరిన్ని ఆఫర్లు వచ్చే ఛాన్స్ ఉంది. టాలీవుడ్ స్టార్ హీరోయిన్ అయిన పూజా హెగ్డేకు రష్మిక మందన్నా గట్టి పోటీ ఇస్తున్నారు.
పాన్ ఇండియా హీరోయిన్ గా ఇప్పటికే గుర్తింపును సొంతం చేసుకున్న రష్మిక భవిష్యత్తు సినిమాల ద్వారా క్రేజ్, పాపులారిటీని మరింత పెంచుకుంటారేమో చూడాల్సి ఉంది. వేణుస్వామి గతంలో రకుల్, సీఎం జగన్, పవన్ కళ్యాణ్ జాతకాలపై కూడా సంచలన వ్యాఖ్యలు చేశారు. వేణుస్వామి జ్యోతిష్యాన్ని కొందరు నమ్మితే మరికొందరు మాత్రం అస్సలు నమ్మడం లేదు.
Most Recommended Video
‘పుష్ప’ చిత్రంలో ఆకర్షించే అంశాలు..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!
