తీసిన ప్రతి సినిమా విజయం సాధించాలి అని అందరూ కోరుకుంటారు. కానీ అన్నీ ఆకట్టుకోవడం అంత ఈజీ కాదు. దీనిని అత్యాశ అని కూడా అనొచ్చు. అయితే ఎక్కువ సినిమాలు విజయాలు హిట్ కొట్టాలని కోరుకోవడం తప్పేం కాదు. ఇలాంటి సమయంలో 90 శాతం సినిమాలు ఇబ్బందికర ఫలితం అందుకుంటే చాలా బాధనిపిస్తుంది. ఇప్పుడు ఇదే పరిస్థితిలో ఉంది తమిళ సినిమా పరిశ్రమ. 2024లో కోలీవుడ్లో (Kollywood) వచ్చిన సినిమాలు, వాటి ఫలితాల గురించి ఆ పరిశ్రమ నుండి ఓ విశ్లేషణ బయటకు వచ్చింది.
దాని ప్రకారమే 10 శాతం సినిమాలు విజయం అందుకున్నాయి అనే మాట బయటకు వచ్చింది. గతేడాది తమిళ నిర్మాతలు దాదాపు రూ.మూడు వేల కోట్లతో 241 సినిమాలను నిర్మించారు. వాటిలో 18 మాత్రమే విజయం సాధించాయి.223 సినిమాలు ఇబ్బందికర ఫలితాన్ని అందించాయి. ఈ లెక్కన చూసుకుంటే రూ.1000 కోట్లకు పైగా నష్టం వచ్చిందట. ఇక్కడో విషయం ఏంటంటే.. నష్టాన్ని తీసుకొచ్చిన సినిమాలు పెద్ద హీరోలవి కావడమే.
డిజాస్టర్లు అనిపించుకునన వాటిలో సూర్య (Suriya) ‘కంగువ’ (Kanguva), కమల్ హాసన్ (Kamal Haasan) ‘భారతీయుడు 2’ (Indian 2), రజనీకాంత్ (Rajinikanth) ‘వేట్టయాన్’ (Vettaiyan), విజయ్ (Vijay Thalapathy) ‘గోట్’ (The GOAT) ఉన్నాయి. ఇక హిట్ కొట్టిన సినిమాల సంగతి చూస్తే.. చిన్న, మధ్య తరహా సినిమాలే కనిపిస్తున్నాయి. ‘అమరన్’ (Amaran), ‘మహారాజ’ (Maharaja), ‘గరుడన్ (Garudan), ‘లబ్బర్ పందు’, ‘డిమోంటీ కాలనీ 2’, ‘వాజై’ విజయాలు సాధించినవే. ఈ నేపథ్యంలో ఈ ఏడాది ఎలా ఉండనుంది అనే చర్చ మొదలైంది.
ఎందుకంటే కోలీవుడ్లో ఈ ఏడాది పెద్ద సినిమాలు చాలానే ఉన్నాయి. విజయ్ ఆఖరి (ఈ ఇన్నింగ్స్కి) సినిమా అంటున్న ‘లోక నాయగన్’, అజిత్ (Ajith) ‘విదా మయూర్చి’ (Vidaamuyarchi), ‘గుడ్ బ్యాడ్ అగ్లీ’ (Good Bad Ugly), ధనుష్ (Dhanush) ‘ఇడ్లీ కడై’, సూర్య ‘రెట్రో’ (Retro), కమల్ హాసన్ ‘థగ్ లైఫ్’ (Thug Life), రజనీకాంత్ (Rajinikanth) ‘కూలి’ (Coolie), కార్తి (Karthi) ‘సర్దార్ 2’, విక్రమ్ (Vikram) ‘వీర ధీర శూరన్’ (Veera Dheera Sooran Part -2) లాంటి సినిమాలు ఉన్నాయి. మరి ఈ ఏడాది ఏమవుతుందో చూడాలి.
