పవన్ స్టార్ పవన్ కళ్యాణ్ కు కరోనా పాజిటివ్ నిర్ధారణ అయిన సంగతి తెలిసిందే. పవన్ కరోనా బారిన పడటం ఆయనను అభిమానించే కోట్లాదిమంది అభిమానులను షాక్ కు గురి చేసింది. ప్రస్తుతం పవన్ కళ్యాణ్ తన ఫార్మ్ హౌస్ లో చికిత్స చేయించుకుంటున్నారు. సోషల్ మీడియా వేదికగా పవన్ త్వరగా కోలుకోవాలని పవన్ ఫ్యాన్స్ పోస్టులు పెడుతున్నారు. వకీల్ సాబ్ మూవీ ప్రీ రిలీజ్ ఈవెంట్ లోనే పవన్ కు కరోనా సోకి ఉండవచ్చని ఆయన ఫ్యాన్స్ భావిస్తున్నారు.
వకీల్ సాబ్ సినిమా నిర్మాత దిల్ రాజు, వకీల్ సాబ్ ఈవెంట్ కు హాజరైన బండ్ల గణేష్ కు కూడా కరోనా నిర్ధారణ అయిన సంగతి తెలిసిందే. కొందరు పవన్ కళ్యాణ్ ఫ్యాన్స్ పవన్ త్వరగా కోలుకోవాలని గుడికి వెళ్లి పూజలు చేస్తున్నారు. ఏపీలోని ఒక ప్రాంతంలో పవన్ కటౌట్ ను గుడికి తీసుకెళ్లి పూజలు నిర్వహించడం గమనార్హం. ప్రస్తుతం ఈ ఫోటోలు సోషల్ మీడియాలో తెగ వైరల్ అవుతున్నాయి. మహేష్, నవీన్ పోలిశెట్టి, మరి కొందరు నటులు పవన్ త్వరగా కోలుకోవాలని పోస్టులు పెట్టారు.
మెగా బ్రదర్ నాగబాబు సోషల్ మీడియా వేదికగా పవన్ కళ్యాణ్ ను కరోనా ఏమీ చేయలేదని కామెంట్లు చేశారు. పవన్ కు త్వరలోనే కరోనా నెగిటివ్ రావాలని ఆకాంక్షించారు. పవన్ తన కెరీర్ లో ఎన్నో ఒడిదొడుకులు ఎదుర్కొన్నాడని విలువల కొరకు పోరాడే వ్యక్తి పవన్ అని నాగబాబు అన్నారు. పవన్ కళ్యాణ్ ఓటములకు కృంగిపోని శిఖరమని నాగబాబు పేర్కొన్నారు. మరోవైపు పవన్ నటించిన వకీల్ సాబ్ సినిమాకు తెలుగు రాష్ట్రాల్లో బాగానే కలెక్షన్లు వస్తున్నాయి. ప్రపంచవ్యాప్తంగా ఇప్పటివరకు 80 కోట్ల రూపాయల షేర్ కలెక్షన్లను సాధించిన వకీల్ సాబ్ మరో 10 కోట్ల రూపాయలు సాధిస్తే హిట్ అనిపించుకుంటుంది.
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
Home