Narappa Movie: నారప్ప వెనుక అసలు కథ ఇదా?

సీనియర్ స్టార్ హీరోలలో చిరంజీవి మినహా మిగిలిన స్టార్ హీరోల మార్కెట్ తగ్గిందనే సంగతి తెలిసిందే. బ్లాక్ బస్టర్ టాక్ వస్తే మాత్రమే సీనియర్ స్టార్ హీరోల సినిమాలకు భారీగా కలెక్షన్లు వస్తున్నాయి. నాగార్జున నటించిన వైల్డ్ డాగ్ సినిమా ఏప్రిల్ 2వ తేదీన విడుదలై హిట్ టాక్ ను సంపాదించుకున్నా దారుణమైన కలెక్షన్లు వచ్చాయి. ఈ సినిమా ఫుల్ రన్ లో కేవలం 3.50 కోట్ల రూపాయల కలెక్షన్లు సాధించింది.

మొదట 22 కోట్ల రూపాయల ఓటీటీ ఆఫర్ వచ్చినా నాగార్జున ఆ ఆఫర్ ను రిజెక్ట్ చేసి థియేటర్లలో ఈ సినిమాను రిలీజ్ చేశారు. అయితే థియేటర్లలో ఫ్లాప్ రిజల్ట్ అందుకోవడంతో ఈ సినిమా డిజిటల్ హక్కులు తక్కువ మొత్తానికే అమ్ముడయ్యాయి. నెట్ ఫ్లిక్స్ లో రిలీజైన తర్వాత ఈ సినిమాను ఎక్కువమంది చూసి బాగుందని మెచ్చుకున్నారు. ఈ సినిమా రిజల్ట్ వల్లే వెంకటేష్ నారప్ప సినిమాను ఓటీటీలో రిలీజ్ చేయడానికి ఆసక్తి చూపారని తెలుస్తోంది. నారప్ప సినిమా హక్కులకు ఏకంగా 35 కోట్ల రూపాయలు వచ్చాయి.

ప్రస్తుత పరిస్థితుల్లో థియేటర్లలో రిలీజైనా ఈ సినిమాకు భారీస్థాయిలో కలెక్షన్లు వచ్చే పరిస్థితి లేదు. అసురన్ రీమేక్ కావడంతో ఇప్పటికే అసురన్ ను చూసిన ప్రేక్షకులు ఈ సినిమాపై ఆసక్తి చూపడం లేదు. ఒక విధంగా వెంకటేష్ నారప్ప మూవీ విషయంలో తీసుకున్న నిర్ణయం సరైన నిర్ణయమే అని నెటిజన్లు అభిప్రాయపడుతున్నారు. ఓటీటీలో నారప్పకు ఎలాంటి రెస్పాన్స్ వస్తుందో చూడాల్సి ఉంది.

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్