ఎఫ్3లో ఆ మూడో హీరో ఎంట్రీ భారీ సర్ప్రైజ్ అట..!

ఫ్రస్ట్రేషన్ నుండి ఎంత ఫన్ జనరేట్ చేయొచ్చో క్లియర్ గా చూపించారు డైరెక్టర్ అనిల్ రావిపూడి. వెంకటేష్, వరుణ్ తేజ్ హీరోలు గా ఆయన తెరకెక్కించిన ఎఫ్ 2 బ్లాక్ బస్టర్ హిట్ కొట్టింది. 2019 సంక్రాంతి కానుకగా వచ్చిన ఎఫ్2 రెండు బడా చిత్రాలను వెనక్కి నెట్టి సంక్రాంతి విన్నర్ గా నిలిచింది. నాన్ స్టాప్ కామెడీ, హీరోయిన్స్ తమన్నా, మెహ్రీన్ గ్లామర్ సినిమాను జెట్ స్పీడ్ తో నడిపించింది. ఇక సూపర్ హిట్ టాక్ నేపథ్యంలో భారీ కలెక్షన్స్ ఈ మూవీ అందుకుంది.

ఈ సంక్రాంతికి సరిలేరు నీకెవ్వరు చిత్రంతో మరో బ్లాక్ బస్టర్ అందుకున్న అనిల్ రావిపూడి ఎఫ్ 2కి సీక్వెల్ గా ఎఫ్ 3 చేస్తున్నారు. లాక్ డౌన్ కారణం తన రైటింగ్ టీమ్ తో పాటు సొంత ఊరిలో ఉండిపోయారు. అక్కడే టీమ్ ఎఫ్ 3 స్క్రిప్ట్ సిద్ధం చేస్తున్నారు. కాగా ఈ చిత్రంలో మళ్ళీ వంకీ, వరుణ్ లతో పాటు తమన్నా, మెహ్రీన్ నటించనున్నట్లు ప్రకటించడం జరిగింది. ఐతే ఈ చిత్రంలో మరో హీరో ఉంటాడని ఎప్పటి నుండో ప్రచారం జరుగుతుండగా అనిల్ దానిపై స్పష్టత ఇచ్చారు.

మరో హీరో ఉండడం ఖాయం అన్న అనిల్ అది ఎవరనేది సర్ప్రైజ్ అన్నారు. కాగా ఆ మూడో పాత్ర జస్ట్ గెస్ట్ రోల్ మాత్రమే అని ఆయన మాటలను పరిశీలిస్తే తెలుస్తుంది. కాబట్టి ఎఫ్ 3లో స్టార్ హీరో క్యామియో రోల్ చేసే అవకాశం కనిపిస్తుంది. మరి ఆ సర్ప్రైసింగ్ హీరో ఎవరో తెలియాలంటే ఇంకా చాలా కాలం ఆగాల్సిందే. మరో రెండు మూడు నెలల్లో ఎఫ్ 3కి సంభందించిన అధికారిక ప్రకటన వచ్చే సూచనలు కలవు.

Most Recommended Video

‘బాహుబలి’ ని ముందుగా ప్రభాస్ కోసం అనుకోలేదట…!
పోకిరి స్టోరీకి మహేష్ చెప్పిన చేంజెస్ అవే..!
హీరోయిన్స్ గా ఎదిగిన హీరోయిన్స్ కూతుళ్లు వీరే..!