ప్రభాస్ (Prabhas) రాజమౌళి (S. S. Rajamouli) కాంబినేషన్ లో తెరకెక్కిన బాహుబలి2 (Baahubali2) మూవీ అప్పట్లో కలెక్షన్ల పరంగా సృష్టించిన సంచలనాలు అన్నీఇన్నీ కావు. తక్కువ టికెట్ రేట్లతో బాహుబలి2 బాక్సాఫీస్ వద్ద ఏకంగా 1800 కోట్ల రూపాయల కలెక్షన్లను సొంతం చేసుకుంది. ఈ సినిమా కలెక్షన్ల రికార్డ్ లను బ్రేక్ చేయాలని చాలా సినిమాలు ప్రయత్నించినా ఆ సినిమాలు ఈ మూవీ కలెక్షన్లను బ్రేక్ చేయలేకపోవడం గమనార్హం. అయితే ఈ ఏడాది పలు క్రేజీ సినిమాలు థియేటర్లలో విడుదలవుతున్న నేపథ్యంలో ఆ సినిమాలు బాహుబలి2 రికార్డ్ లను బ్రేక్ చేస్తాయో లేదో చూడాల్సి ఉంది.
బాహుబలి2 సినిమాతో సెట్ చేసిన రికార్డ్ ను ప్రభాస్ కల్కి 2898 ఏడీతో (Kalki 2898 AD) బ్రేక్ చేయాలని ఫ్యాన్స్ కోరుకుంటున్నారు. ఈ సినిమాపై అంచనాలు కూడా అదే స్థాయిలో ఉన్నాయనే సంగతి తెలిసిందే. నాగ్ అశ్విన్ (Nag Ashwin) డైరెక్షన్ లో తెరకెక్కిన ఈ సినిమాకు పాజిటివ్ టాక్ వస్తే బాహుబలి2 రికార్డ్స్ బ్రేక్ కావడం కష్టమేమీ కాదు. పుష్ప ది రూల్ (Pushpa 2: The Rule) , ఓజీ (OG Movie) , దేవర (Devara) , గేమ్ ఛేంజర్ (Game Changer) సినిమాలపై సైతం భారీ స్థాయిలో అంచనాలు నెలకొనడంతో ఈ సినిమాలకు కూడా బాహుబలి2 కలెక్షన్ల రికార్డ్ ను బ్రేక్ చేసే అవకాశం ఉండగా ఈ సినిమా బ్రేక్ చేస్తుందో లేదో చూడాల్సి ఉంది.
ఈ ఏడాదే బాహుబలి2 రికార్డ్ బ్రేక్ అయితే బాగుంటుందని ఫ్యాన్స్ ఫీలవుతున్నారు. సలార్2 (Salaar), వార్2, చరణ్ (Ram Charan) సుకుమార్ (Sukumar) కాంబో మూవీ, ఎన్టీఆర్ (Jr NTR) ప్రశాంత్ (Prashanth Neel) కాంబో మూవీ, మహేష్ (Mahesh Babu) రాజమౌళి కాంబో మూవీలకు కూడా బాహుబలి2 భారీ టార్గెట్ అనే చెప్పాలి. చాలా సంవత్సరాల నుంచి థియేటర్లలో సినిమాలు చూడని ప్రేక్షకులు సైతం బాహుబలి2 కోసం థియేటర్ల బాట పట్టారు.
బాహుబలి2 టికెట్లు బ్లాక్ లో 2000 రూపాయలకు సైతం అమ్ముడయ్యాయంటే ఈ సినిమా ఏ స్థాయిలో ప్రేక్షకులను మెప్పించిందో అర్థమవుతుంది. ఇప్పటికీ కొన్ని సర్వేలలో చాలామంది సినీ ప్రేక్షకులు బాహుబలి2 తమకు నచ్చిన సినిమా అని చెబుతారు. బాహుబలి2 రికార్డ్ ను బ్రేక్ చేసే హీరో, డైరెక్టర్ ఎవరో చూడాల్సి ఉంది.
