హీరోయిన్ అవాలంటే అందంతో పాటు టాలెంట్ దాంతో పాటు కాస్త లక్ కూడా ఉండాలి.. తెరమీద గ్లామర్గా కనిపిచండమే కాక అభినయంతోనూ మెప్పిస్తేనే ఎక్కువ కాలం కెరీర్ కంటిన్యూ చేయగలరు.. ఏమాత్రం తేడా వచ్చినా ఒకటి, రెండు సినిమాలకే తట్టా బుట్టా సర్దేసుకోవాల్సిందే.. వన్స్ కాలం కలిసొచ్చి ఓవర్ నైట్ స్టార్ అయిపోతే క్రేజ్ కొండెక్కి కూర్చుంటుంది.. కోట్లల్లో రెమ్యునరేషన్, స్టార్డమ్, వరుసగా ఆఫర్స్ క్యూ కట్టడం కామనే..
అయితే కొన్ని సినిమాల్లో హీరోయిన్ల కంటే పక్కన ఫ్రెండ్ క్యారెక్టర్ చేసిన బ్యూటీస్, లేదా కథానాయిక చెల్లెలి పాత్ర చేసిన వాళ్లకే ఎక్కువ పేరొస్తుంటుంది.. పెద్దగా డైలాగ్స్ లేకపోయినా, ఎక్కువ సేపు స్క్రీన్ మీద కనిపించకపోయినా అలా మ్యాజిక్ చేస్తుంటారు.. ఈమధ్య కాలంలో ఫ్యాన్స్, ఆడియన్స్.. హీరోయిన్స్ కంటే ఎక్కువ ఫిదా అయిన సైడ్ క్యారెక్టర్స్ ఎవరో ఇప్పుడు చూద్దాం..
1) లవర్స్ డే – నూరిన్ షెరీఫ్..
కొంటెగా కన్నుగీటి ఓవర్ నైట్ స్టార్, కుర్ర కారు క్రష్ అయిపోయింది మలయాళీ బ్యూటీ ప్రియ ప్రకాష్ వారియర్.. ఆమె యాక్ట్ చేసిన ‘ఒరు ఆధార్ లవ్’ తెలుగులో ‘లవర్స్ డే’ పేరుతో వచ్చింది.. చాలా మంది తనకోసమే సినిమా చూసినా.. నూరిన్ షెరీఫ్కి ఫ్యాన్స్ అయ్యారు..
2) లవ్ టుడే – రవీనా రవి & ప్రార్థనా నాథన్..
తమిళ్, తెలుగులో యూత్కి పిచ్చి పిచ్చిగా నచ్చేసిన మూవీ ‘లవ్ టుడే’.. ప్రదీప్ రంగనాథన్ – ఇవికా జంటగా నటించారు.. ఇందులో హీరోయిన్ ఇవికా కంటే కూడా హీరో చెల్లి దివ్యగా కనిపించిన రవీనా రవి, ఆమె స్నేహితురాలు నమితగా నటించిన ప్రార్థనా నాథన్ ఇద్దరికీ కూడా ఎక్కువమంది ఫిదా అయ్యారు..
3) వీర సింహా రెడ్డి – హనీ రోజ్..
బాలకృష్ణ డ్యుయెల్ రోల్ చేసిన ‘వీర సింహా రెడ్డి’ లో ఫస్ట్ టైం శృతి హాసన్ జత కట్టింది.. అయితే ఓల్డ్ గెటప్లో కనిపించిన కానీ ఫ్లాష్ బ్యాక్లో వచ్చే హనీ రోజ్కే అంతా అభిమానులైపోయారు..
4) హిట్ 2 – కోమలీ ప్రసాద్..
‘హిట్ : ది సెకండ్ కేస్’ లో హీరోయిన్ మీనాక్షి చౌదరి కంటే వర్ష అనే పోలీస్ క్యారెక్టర్ చేసిన కొమలీ ప్రసాద్కే జనాలు ఫిదా అయ్యారు..
5) జెర్సీ – శ్రద్ధా శ్రీనాథ్ – సనూషా సంతోష్..
నాని నటించిన ‘జెర్సీ’ లో తన భార్యగా కనిపించిన హీరోయిన్ శ్రద్ధా శ్రీనాథ్తో పాటు.. కాసేపు అలా మెరిసిన ‘బంగారం’ మూవీ బాలనటి సనూషా సంతోష్ కూడా అందర్నీ ఆకట్టుకుంది..
6) డియర్ కామ్రేడ్ – శృతి రామ చంద్రన్..
విజయ్ దేవరకొండ – రష్మిక మందన్నల ‘డియర్ కామ్రేడ్’ మూవీలో రష్మిక సిస్టర్ జయగా నటించిన శృతి రామ చంద్రన్ చాలా బాగుందంటూ కామెంట్స్ వచ్చాయి..
