Pawan Kalyan , Surender Reddy: ఆ సమస్య వల్లే పవన్ సురేందర్ కాంబోలో సినిమా తెరకెక్కడం లేదా?

June 28, 2023 / 02:21 PM ISTByFilmy Focus

Join Us

Pawan Kalyan , Surender Reddy: ఆ సమస్య వల్లే పవన్ సురేందర్ కాంబోలో సినిమా తెరకెక్కడం లేదా?

పవర్ స్టార్ పవన్ కళ్యాణ్ ప్రస్తుతం వేగంగా సినిమాలలో నటించడానికి ప్రాధాన్యత ఇస్తున్నారనే సంగతి తెలిసిందే. వచ్చే ఏడాది ఏప్రిల్ సమయానికి పవన్ నటించిన నాలుగు సినిమాలు థియేటర్లలో విడుదల కానున్నాయని సమాచారం అందుతోంది. అయితే పవన్ కళ్యాణ్ సురేందర్ రెడ్డి కాంబినేషన్ లో ఒక సినిమా తెరకెక్కనుందని గతంలో వార్తలు జోరుగా ప్రచారంలోకి వచ్చాయనే సంగతి తెలిసిందే. సురేందర్ రెడ్డి గత సినిమా ఏజెంట్ 80 కోట్ల రూపాయల బడ్జెట్ తో తెరకెక్కినా ఈ సినిమా మేకర్స్ కు భారీ స్థాయిలో నష్టాలను మిగిల్చింది.

ఈ సినిమా ఇప్పటికే సోనీ లివ్ ఓటీటీలో రిలీజ్ కావాల్సి ఉన్నా వేర్వేరు కారణాల వల్ల ఆలస్యమవుతోంది. రాబోయే రోజుల్లో అయినా ఈ సినిమా ఓటీటీలో విడుదలవుతుందో లేక ఓటీటీలో ఎప్పటికీ విడుదల కాదో తెలియడం లేదని కామెంట్లు వినిపిస్తున్నాయి. సురేందర్ రెడ్డి సినిమాకు పవన్ డేట్లు ఎక్కువ సంఖ్యలో అవసరం అని బోగట్టా. ప్రస్తుతం ఒకవైపు సినిమాలతో మరోవైపు రాజకీయాలతో బిజీగా ఉన్న పవన్ కళ్యాణ్ ఆ స్థాయిలో డేట్లను కేటాయించడం కష్టమని సమాచారం అందుతోంది.

Pawan Kalyan Surender Reddy met after 5 years1

మరోవైపు ఏజెంట్ ఫ్లాప్ రిజల్ట్ తో సురేందర్ రెడ్డి రెమ్యునరేషన్ తగ్గిందని తెలుస్తోంది. వక్కంతం వంశీ కథతో పవన్ సురేందర్ కాంబో మూవీ తెరకెక్కనుందని తెలుస్తోంది. ఈ సినిమాకు యథా కాలమ్.. తథా వ్యవహారమ్ అనే టైటిల్ ను పరిశీలిస్తున్నారు. పవన్ కళ్యాణ్ పారితోషికం భారీ రేంజ్ లో ఉందని సమాచారం అందుతోంది.

2024 ఎన్నికల తర్వాత పవన్ (Pawan Kalyan) ఈ సినిమాకు డేట్స్ కేటాయించే ఛాన్స్ ఉంది. సురేందర్ రెడ్డి ఈ సినిమాలో అన్ని వర్గాల ప్రేక్షకులకు నచ్చే అంశాలు ఉండేలా జాగ్రత్తలు తీసుకున్నారని సమాచారం. రాబోయే రోజుల్లో అటు పవన్ కు ఇటు సురేందర్ రెడ్డికి వరుస విజయాలు దక్కాలని ఫ్యాన్స్ భావిస్తున్నారు.