పవన్‌ కల్యాణ్‌ ఫ్యాన్స్‌కు ఆయన పుట్టిన రోజు అయిన సెప్టెంబరు 2 అంటే చాలా ఇష్టమని వేరేగా చెప్పక్కర్లేదు. అయితే ఇన్నేళ్లుగా ఆయన పుట్టిన రోజులు వేరు, ఈ సంవత్సరం పుట్టిన రోజు వేరు. ఎందుకంటే ఎప్పుడూ ఈ తేదీన మూడు సినిమాల అప్‌డేట్‌లు రాలేదు. వచ్చినా అవి అంతగా ఆకట్టుకోలేదు. అయితే ఈ ఏడాది ‘ఓజీ’, ‘హరి హర వీరమల్లు’, ‘ఉస్తాద్‌ భగత్‌ సింగ్‌’ ఫీస్ట్‌లు వచ్చి వావ్‌ అనిపించాయి. దీంతో ఫ్యాన్స్‌ ఫుల్‌ ఖుష్‌. కానీ ఒక్క విషయంలోనే బాధ.
సినిమాల అప్‌డేట్‌ల కోసం పవన్‌ ఫ్యాన్స్‌ ఎంతగా ఎదురుచూస్తున్నారో ప్రత్యేకంగా చెప్పక్కర్లేదు. ఇటీవల వపన్‌ నుండి ‘బ్రో’ సినిమా వచ్చినా.. ఫుల్‌ ప్లెడ్జ్‌ సినిమా అయితే కాదు. దీంతో ప్రస్తుతం సెట్స్‌ మీద ఉన్న సినిమాల గురించి చర్చ ఎక్కువగా నడుస్తోంది. దాంతోపాటు ఇటీవల ఈ సినిమా రిలీజ్‌ డేట్‌ల గురించి కొన్ని ఆసక్తికర కామెంట్స్‌ కూడా వినిపించాయి. సంక్రాంతిలోపు లేదంటే ఏపీలో అసెంబ్లీ ఎన్నికలు వచ్చే లోపు పవన్‌ నుండి రెండు సినిమాలొస్తాయని టాక్‌ నడిచింది.
ఈ మొత్తం విషయాలను మనసులో పెట్టుకున్న అభిమానులు (Pawan Kalyan) పవన్‌ బర్త్‌డే పోస్టర్స్‌లో కచ్చితంగా సినిమాల రిలీజ్‌ డేట్స్‌, లేదంటే మంథ్స్‌ ఉంటాయి అని అనుకున్నారు. కానీ చూస్తే మూడు సినిమాల అప్‌డేట్స్‌ వచ్చాయి కానీ.. డేట్స్‌ విషయంలో స్పష్టత రాలేదు. అంటే సినిమాలు ఎప్పుడు పూర్తవుతాయి అనే విషయంలో క్లారిటీ ఇంకా రాలేదు అని అర్థమవుతోంది. ఓవైపు షూటింగ్‌ సరిగ్గా జరుపుకోని ‘గుంటూరు కారం’ సినిమా రిలీజ్‌ డేట్‌ విషయంలో మహేష్‌ బాబు అంత పక్కాగా చెబితే పవన్‌ ఎందుకు చెప్పడం లేదు అనే డౌట్‌ వస్తోంది.
ఈ మూడు సినిమాల్లో ‘ఓజీ’నే ఎక్కువ భాగం షూటింగ్‌ జరుపుకుంది అని చెప్పాలి. కానీ ఆ సినిమా రిలీజ్‌ డేట్‌ కూడా చెప్పలేదు. ఇంక ఎప్పుడో మొదలైన ‘హరి హర వీరమల్లు’ సినిమా కొత్త షెడ్యూల్‌ రెండో వారంలో ఉంటుంది అని అంటున్నారు. కానీ డేట్‌ విషయంలో నో స్పష్టత. ఇక ఈ వారంలోనే ‘ఉస్తాద్‌ భగత్‌ సింగ్‌’ కొత్త షెడ్యూల్‌ ప్రారంభం అవుతుందని సమాచారం. అయితే ‘ఓజీ’ షెడ్యూల్‌ అప్‌డేట్‌ ఏమీ రాలేదు.
మంది పార్టిసిపెంట్స్ తో దుమ్ము లేచిపోయిన బిగ్ బాస్ సీజన్ 7 స్టేజ్..!
సీజన్ – 7 లో 5 బ్లండర్ మిస్టేక్స్ ఇవే..!
‘మిస్ శెట్టి మిస్టర్ పోలిశెట్టి’ తో పాటు ఈ వారం విడుదల కాబోతున్న 20 సినిమాలు/సిరీస్ ల లిస్ట్..!
