సంక్రాంతికి రానున్న చిత్రాల రిలీజ్ డేట్స్ ఫిక్స్

తెలుగు సినీ అభిమానులు ఆసక్తిగా ఎదురుచూస్తున్న సంక్రాంతి వార్ కి ముహూర్తం ఫిక్స్ అయింది. కొన్నేళ్ల తర్వాత టాలీవుడ్ స్టార్ హీరోలు చిరంజీవి, బాలకృష్ణ తమ చిత్రాలతో బరిలోకి దిగుతుండడంతో ఈ సారి పెద్ద పండుగ మరింత ప్రత్యేకమైంది. మెగాస్టార్ ఖైదీ నంబర్ 150 గా కాలు దువ్వుతుంటే, నటసింహా గౌతమి పుత్ర శాతకర్ణిగా కత్తి దూస్తున్నారు. ఈ రెండు చిత్రాలు ఎప్పుడు రిలీజ్ అవుతుందనే విషయంలో నేడు క్లారిటీ వచ్చింది. ముందుగా నిర్మాత రామ్ చరణ్ తేజ్ ప్రకటించినట్లుగానే చిరు నూటయాభయ్యో చిత్రం జనవరి 11 న రిలీజ్ అవుతోంది. తాజాగా బాలయ్య వందో చిత్రం జనవరి 12 న వస్తున్నట్లు తెలిసింది.

ఒక రోజు తేడాతో వస్తున్నప్పటికీ రెండు చిత్రాల మధ్య బీభత్సమైన పోటీ ఉంటుంది. మెగా, నందమూరి అభిమానులు ఈ సంక్రాంతి తమదంటే తమదని ధీమా వ్యక్తం చేస్తున్నారు. ట్రేడ్ వర్గాల వారు మాత్రం రెండు చిత్రాలు హిట్ సాధించాలని కోరుకుంటున్నారు. ఇక జనవరి 14 న శర్వానంద్ కుటుంబ కథా చిత్రంతో “శతమానం భవతి” అంటూ రాబోతున్నాడు. ఈ తేదీలోను మార్పులేదని నిర్మాత దిల్ రాజు స్పష్టం చేశారు. తేదీలయితే ఖరారయింది.. ఇక ఫలితమే తేలాల్సి ఉంది.

Also, do SUBSCRIBE to our YouTube channel to get latest Tollywood updates.