Allu Arjun: అల్లు అర్జున్‌ ఆ సినిమా ఫిక్స్‌… పేరు కూడా ఫిక్స్‌ చేసేశారా?

అల్లు అర్జున్‌ (Allu Arjun)  కొత్త సినిమా ఏంటి? ‘పుష్ప: ది రూల్‌’ (Pushpa2)  తర్వాత ‘పుష్ప 3’ చేస్తారా లేక కొత్త సినిమా చేస్తారా? అంటూ గత కొన్ని రోజులుగా చర్చలు జరుగుతున్నాయి. అయితే సుకుమార్‌  (Sukumar)  – రామ్‌చరణ్‌ (Ram Charan)   సినిమా అనౌన్స్‌ అవ్వడంతో మూడో ‘పుష్ప: ది రోర్‌’ (ప్రచారంలో ఉన్న టైటిల్‌) ఇప్పట్లో ఉండదని, లేకపోతే అసలే ఉండదని చెప్పొచ్చు. దీంతో ఆయన గతంలో అనౌన్స్‌ చేసిన త్రివిక్రమ్‌ (Trivikram) సినిమా స్టార్ట్‌ చేస్తారని అంటున్నారు. అయితే అట్లీతో  (Atlee Kumar)  ఓ సినిమా ఉంటుందని కూడా వార్తలొస్తున్నాయి.

ఈ నేపథ్యంలో బన్నీ కొత్త సినిమా టైటిల్‌ ఇదే అంటూ ఓ వార్త బయటకు వచ్చింది. ఆ టైటిల్‌ వింటే అది కచ్చితంగా త్రివిక్రమ్‌ సినిమా కాదు అని చెప్పేయొచ్చు. ఎందుకంటే రూమర్డ్ టైటిల్‌ ‘డిస్కో స్టార్‌’. అవును ఈ పేరు ఇప్పుడు చర్చలో ఉంది. బన్నీ కొత్త సినిమా కోసం డ్యాన్సింగ్‌ కథను ఒకటి అట్లీ సిద్ధం చేశారు అని చెబుతున్నారు. దానికే ఈ పేరు అని టాక్‌.

ఈ టైటిల్‌ వెనుక కూడా పెద్ద కథే ఉంది అంటున్నారు. మైఖెల్ జాక్సన్ జీవితాన్ని పోలి ఉండేలా ఓ కథను అట్లీ సిద్ధం చేశారట. బన్నీకి ఈ కథ భలేగా సూట్‌ అవుతుందని, ‘డిస్కో స్టార్’ అని పెడితే క్యాచీగా ఉంటుందని అట్లీ అండ్‌ కో అనుకుంటోందట. అలా ‘పుష్ప’ కోసం ఐకాన్ స్టార్ అయిన బన్నీ ఇప్పుడు డిస్కో స్టార్‌ అవుతున్నాడు.

‘గుంటూరు కారం’తో (Guntur Kaaram) త్రివిక్రమ్ ఖాతాలో మరో డిజాస్టర్ చేరింది. అందుకే కొంతకాలం తరవాత బన్నీ మూవీ స్టార్ట్‌ చేసే ఆలోచనలో ఉన్నారట. సందీప్‌ రెడ్డి వంగా (Sandeep Reddy Vanga) కూడా బన్నీకి ఓ సినిమా చేయాలి. అయితే ప్రభాస్ (Prabhas) ‘స్పిరిట్’ (Spirit), ‘యానిమల్‌ పార్క్‌’ (Animal) సినిమాల తర్వాతే ఆ సినిమా ఉంటుంది. ఇక బన్నీ కొత్త సినిమా అనౌన్స్‌మెంట్‌ ఆయన పుట్టిన రోజు అయిన ఏప్రిల్‌ 8న ఉంటుందట.

సైలెంట్ గా పెళ్లి పీటలెక్కిన ‘బిగిల్’ నటి ఇంద్రజ..!

కర్ణాటకలో సినిమాలు బ్యాన్‌ అంటున్నారు… మన దగ్గరా అదే చేస్తారా?
ఈ వారం థియేటర్/ ఓటీటీల్లో రిలీజ్ కాబోతున్న 18 సినిమాలు/ సిరీస్..ల లిస్ట్