అదేంటి… ప్రభాస్, ప్రశాంత్‌ నీల్ సినిమా టైటిల్‌ ఎప్పుడో ప్రకటించేశారు కదా… ఇప్పుడు మళ్లీ ఏంటి అనుకుంటున్నారా. ఇది ఇప్పుడు షూటింగ్‌ అవుతున్న సినిమా గురించి కాదు. త్వరలో మొదలవ్వాల్సిన సినిమా గురించి. అవును ప్రభాస్ – ప్రశాంత్‌ నీల్ కాంబినేషన్‌లో ‘సలార్‌’ తర్వాత మరో సినిమా ఉంటుందని చాలా రోజుల నుండి వార్తలొస్తున్న విషయం తెలిసిందే. ప్రభాస్ 25వ సినిమాగా రూపొందనున్న ఈ చిత్రానికి దిల్‌ రాజు నిర్మాత.
ప్రభాస్ – దిల్‌ రాజు కాంబినేషన్‌లో సినిమా కోసం చాలా రోజుల నుండి ప్రయత్నాలు జరుగుతున్నాయి. అందులోనూ అది మైల్‌స్టోన్‌ కావడంతో ప్రశాంత్‌ నీల్‌తో డీల్‌ సెట్‌ చేశారు దిల్‌ రాజు. ‘సలార్‌’ అయిన తర్వాత ప్రశాంత్‌ నీల్ ఈ కథ మీద కూర్చుంటారట. ఈలోపు ప్రభాస్ మిగిలిన సినిమాలన్నీ పూర్తి చేసి ఇటు వస్తారట. ఈ గ్యాప్‌ నీల్ మరో హీరోతో సినిమా చేస్తారు అనే మాట కూడా వినిపిస్తుంది. దాని సంగతి తర్వాత తేలుతుందిలెండి.
ఇక ప్రభాస్ 25కి సంబంధించి టాలీవుడ్‌ వర్గాల్లో ఓ టైటిల్‌ చక్కర్లు కొడుతోంది. అదే ‘వృందావన’. ఇదేంటి ఇదేదో కన్నడ పేరులా ఉంది అనుకుంటున్నారా? కానీ ఇదే పేరు చర్చల్లో ఉంది. అయితే ‘బృందావన’ని ఇలా చేశారా అనే టాక్‌ కూడా నడుస్తోంది. పీరియాడికల్ డ్రామాగా ఈ సినిమా రూపొందుతుందట. అన్నీ అనుకున్నట్లు జరిగితే… ఈ సినిమా 2024లో మొదలయ్యే అవకాశాలు ఉన్నాయట.
Most Recommended Video
బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!
