ఇప్పటికే మన టాలీవుడ్ ప్రెజెంట్ స్టార్ హీరోలు కొంతమంది బాలీవుడ్ లో తమ అదృష్టాన్ని పరీక్షించుకున్నారు. మెగాపవర్ స్టార్ రాంచరణ్.. ‘జంజీర్’ తో అక్కడి ప్రేక్షకులను ఆకట్టుకోవాలని ట్రై చేసాడు. కానీ బొక్కబోర్లా పడ్డాడు. ఇప్పుడు ‘ఆర్.ఆర్.ఆర్’ తో మరోసారి ట్రై చేస్తున్నాడు. రాజమౌళి డైరెక్షన్ కాబట్టి..ఈసారి వర్కౌట్ అయ్యే అవకాశాలు ఉన్నాయి. ఎన్టీఆర్ కూడా రాజమౌళి డైరెక్షన్లోనే చేస్తున్నాడు కాబట్టి.. డౌట్ పడాల్సిన పని లేదు. ఇక పవన్ కళ్యాణ్ గతంలో ‘సర్దార్ గబ్బర్ సింగ్’ తో ఓ రాయి వేసాడు కానీ రిజల్ట్ రాలేదు. ఇప్పుడు క్రిష్ డైరెక్షన్లో మరోసారి ట్రై చెయ్యడానికి రెడీ అవుతున్నాడు.
మరి ఈసారి రిజల్ట్ ఎలా ఉంటుందో చూడాల్సి ఉంది. ఇక మెగాస్టార్ చిరంజీవి కూడా గతేడాది ‘సైరా నరసింహారెడ్డి’ తో బాలీవుడ్ లో రాణించాలి అని అనుకున్నారు. ఆయనకు కూడా అది వర్కౌట్ కాలేదు. ఇక అల్లు అర్జున్.. సుకుమార్ డైరెక్షన్లో చేస్తున్న ‘పుష్ప’ తో బాలీవుడ్ ఎంట్రీ ఇవ్వనున్నాడు. ఇప్పటి వరకూ ‘సరైనోడు’ ‘దువ్వాడ జగన్నాథం’ చిత్రాల హిందీ డబ్బింగ్ వెర్షన్ లతో యూట్యూబ్ లో రికార్డులు సృష్టించిన బన్నీ… స్ట్రైట్ బాలీవుడ్ ఎంట్రీ మూవీతో ఎంతవరకూ రాణిస్తాడో చూడాలి.
ఇక ప్రభాస్ ‘బాహుబలి’ ఇమేజ్ తో ‘సాహో’ కి మంచి ఓపెనింగ్స్ రాబట్టాడు. మరి ‘రాధే శ్యామ్’ సంగతి ఏం చేస్తాడో తెలియాల్సి ఉంది. విజయ్ దేవరకొండ, మంచు మనోజ్, ఆది సాయి కుమార్ వంటి హీరోలు సైతం బాలీవుడ్ ఎంట్రీ ఇవ్వడానికి రెడీ అవుతున్నారు. మరి వాళ్ళ సత్తా ఎంత ఉంటుందో. అంతా బానే ఉన్నా.. మహేష్ బాబు మాత్రం అసలు బాలీవుడ్ ఎంట్రీ ఇవ్వాలని కానీ.. పాన్ ఇండియా సినిమాలు మొదలుపెట్టాలని కానీ ట్రై చెయ్యకపోవడం విడ్డూరం.ఏమైనా 2021లో మాత్రం ఏ టాలీవుడ్ హీరో.. బాలీవుడ్ స్టార్ అవుతాడో తేలిపోనుంది.
Most Recommended Video
15 డైరెక్టర్స్ కెరీర్ ను ఇబ్బందిలో పడేసిన సినిమాలు ఇవే!
కులాంతర వివాహాలు చేసుకొని ఆదర్శంగా నిలిచిన మన హీరోలు!
హీరోయిన్స్ కంటే ముందు బాలనటిగా అలరించిన తారల!
