Rajamouli: వైరల్ అవుతున్న ప్రముఖ విలన్ షాకింగ్ కామెంట్స్!

ప్రముఖ టాలీవుడ్ విలన్లలో ఒకరైన విజయ్ రంగరాజు ఒక యూట్యూబ్ ఛానల్ కు ఇచ్చిన ఇంటర్వ్యూలో షాకింగ్ విషయాలను వెల్లడించారు. సినిమా ఇండస్ట్రీలో ఊహించని స్థాయిలో పాపులారిటీ ఉన్న ఈ నటుడు మాట్లాడుతూ శ్రీహరి గారికి దండం పెట్టాలని చెప్పుకొచ్చారు. నా జీవితంలో జరిగిన ఘటనలతో ఒక సినిమాను తీయొచ్చని ఆయన కామెంట్లు చేశారు. యజ్ఞం సినిమా తర్వాత వరుస ఆఫర్లు వచ్చాయని విజయ్ రంగరాజు అన్నారు. యజ్ఞం సినిమా పేరు చెప్పుకుని సినిమా ఆఫర్లు తెచ్చుకుంటున్నానని ఆయన తెలిపారు.

పెద్ద బ్యానర్లలో నాకు అవకాశాలు రావడం లేదని విజయ్ రంగరాజు తెలిపారు. ఇతర ఇండస్ట్రీలలో ఫేమస్ విలన్లకు ఆఫర్లు వస్తున్నాయని తెలుగులో మాత్రం భిన్నంగా జరిగిందని విజయ్ రంగరాజు పేర్కొన్నారు. అఖండలో విలన్ పాత్ర నేను చేసి ఉంటే బాగుండేదని అనుకుంటారని ఆ సినిమాలో ఛాన్స్ మిస్సైందని ఆయన అభిప్రాయం వ్యక్తం చేశారు. కోట శ్రీనివాసరావు గారు ఇప్పటికీ తనకు తగ్గ వేషం ఇవ్వాలని అడుగుతున్నారని విజయ్ రంగరాజు తెలిపారు.

నేను ఫిట్ గా ఉన్నా నన్ను కూడా ఇండస్ట్రీ వాడుకోవడం లేదని ఆయన కామెంట్లు చేశారు. (Rajamouli) రాజమౌళి నా ఫోటో చూసి నేను ఎక్కువ వయస్సు ఉన్న వ్యక్తి అనుకుని రిజెక్ట్ చేశారని ఛత్రపతి మూవీలో ప్రదీప్ రావత్ చేసిన పాత్రను మిస్ అయ్యానని ఆయన కామెంట్లు చేశారు. రాజమౌళి గారు తర్వాత నన్ను చూసిన సమయంలో సారీ చెప్పారని నేను ఇంత ఫిట్ గా ఉంటానని ఊహించలేదని ఆయన నాతో అన్నారని విజయ్ రంగరాజు పేర్కొన్నారు.

విజయ్ రంగరాజు చెప్పిన విషయాలు సోషల్ మీడియాలో వైరల్ అవుతున్నాయి. రాబోయే రోజుల్లో విజయ్ రంగరాజు విలన్ గా మరింత సక్సెస్ కావాలని ఆయన ఫ్యాన్స్ కోరుకుంటున్నారు. విజయ్ రంగరాజు టాలెంట్ కు తగ్గ గుర్తింపు రావాలని అభిమానులు భావిస్తున్నారు.

బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!

అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు