నితిన్ సినిమాకి మూలం మాటల మాంత్రికుడే..!

పెన్ను బలం చూపించి పైకొచ్చిన త్రివిక్రమ్ అటుపై మెగాఫోన్ పట్టి కూడా భారీ విజయాలను అందుకుంటూ ముందుకు సాగుతున్నారు. సంవత్సరానికి ఒక్క సినిమా చేస్తేనేం.. ఆ విజయం గురించి ఏడాది మాట్లాడుకునే సినిమా చేస్తున్న ఆకేళ్ల నాగ శ్రీనివాస శర్మ అలియాస్ త్రివిక్రమ్ కేవలం బడా హీరోలతోనే సినిమాలు చేస్తారన్న మచ్చని ‘అఆ’తో తుడిపేసుకున్నారు. అలా నితిన్ కెరీర్లో బిగ్గెస్ట్ హిట్ ఇచ్చిన త్రివిక్రమ్ అదే నితిన్ కోసం ఇప్పుడు నిర్మాతగా మారడం విశేషం.నిజానికి త్రివిక్రమ్ కావాలనుకుంటే సుకుమార్ వంటి దర్శకుల మాదిరి సొంత బ్యానర్ పెట్టి తనకి నచ్చిన కథలతో చోటా సినిమాలు తీసుకోవచ్చు.

అలా కాదని మితృడు పవన్ నిర్మాణ సంస్థ అయిన పవన్ కళ్యాణ్ క్రియేటివ్ వర్క్స్ బ్యానర్ పై నిర్మించడం చిన్నపాటి షాక్ కి గురిచేసింది. దీని వెనక అసలు కథేమిటంటే కృష్ణ చైతన్య దర్శకత్వం వహించనున్న ఈ సినిమాకి మూల కథ అందించింది కూడా మన మాటల మాంత్రికుడేనట. దానికి డబ్బేమీ తీసుకోకపోవడంతో నితిన్ సహ నిర్మాతగా ఆయన పేరుని వేయించాడట. పోతే.. నితిన్ కి మంచి స్నేహితుడైన కృష్ణచైతన్య ‘అఆ’ సినిమా సమయంలో త్రివిక్రమ్ తో ఏర్పడిన పరిచయాన్ని సాన్నిహిత్యంగా మార్చుకున్నారు. అలా ఈ ఇద్దరి మధ్య కూడా బంధం బలపడింది. అయితే తెలియాల్సిందల్లా ఒక్కటే.. త్రివిక్రమ్ నితిన్ సినిమా సెట్స్ మీదికి రాకముందే కృష్ణచైతన్య నితిన్ తో సినిమా చేసేందుకు కమిట్ అయ్యాడు. ఆ కథకే త్రివిక్రమ్ కాస్త మెరుగుదిద్దారా..? లేక త్రివిక్రమ్ మూలకథతో ఈ గేయ రచయిత కొత్త స్క్రిప్ట్ రాసుకున్నాడా..? అన్నది తెలియాల్సిన విషయం.

Also, do SUBSCRIBE to our YouTube channel to get latest Tollywood updates.