మహేష్ కోసం త్రివిక్రమ్ రాసుకున్న కథతో ఎన్టీఆర్ మూవీ

ప్రస్తుతం బాబీ దర్శకత్వంలో యంగ్ టైగర్ ఎన్టీఆర్ సినిమా చేస్తున్నారు. ఎన్టీఆర్ ఆర్ట్స్ బ్యానర్లో కళ్యాణ్ రామ్ నిర్మిస్తున్న ఈ చిత్రంలో తారక్ మూడు పాత్రల్లో నటవిశ్వరూపం ప్రదర్శించనున్నారు. ఈ మూవీ తర్వాత ఎన్టీఆర్ మాటల మాంత్రికుడు త్రివిక్రమ్ శ్రీనివాస్ డైరక్షన్లో నటించనున్నారు. క్రేజీ కాంబినేషన్లో తెరకెక్కనున్న ఈ కుటుంబ కథా చిత్రాన్ని హారిక & హాసిని క్రియేషన్స్ బ్యానర్ పై రాధాకృష్ణ నిర్మించనున్నారు. సెప్టెంబర్ నుంచి  సెట్స్ పైకి వెళ్లనున్న ఈ ఫిల్మ్ గురించి ఆసక్తికరమైన న్యూస్ బయటికి వచ్చింది.ఎన్టీఆర్ జనతాగ్యారేజ్ తరవాత కథ చెప్పమని త్రివిక్రమ్ ని కోరగా, అప్పటికప్పుడు కొత్త కథ రాసుకోలేక మహేష్ బాబు కోసం రాసిపెట్టుకున్న స్టోరీని వినిపించారట.

అది తారక్ కి భలే నచ్చిందని సమాచారం. ఎందుకంటే పూర్తిగా ఫ్యామిలీ స్టోరీ కావడంతో తనకి, తన ఫ్యాన్స్ కి ఫ్రెష్ గా ఉంటుందని భావించి వెంటనే ఒకే చెప్పినట్లు తెలిసింది. ప్రాజక్ట్ ని మొదలెట్టేదని చెప్పారంట. కానీ త్రివిక్రమ్ నెక్స్ట్ పవన్ కళ్యాణ్ తో లాక్ అవడంతో తర్వాత తారక్ తో చేస్తానని మాట ఇచ్చారు. లేకుంటే ఎన్టీఆర్ 27 మూవీ త్రివిక్రమ్ తోనే ఉండేది. ఇదండీ ఎన్టీఆర్ 28 సినిమా స్టోరీ వెనుక కథ.

Also, do SUBSCRIBE to our YouTube channel to get latest Tollywood updates.