భారీ అంచనాల మధ్య ప్రేక్షకుల ముందుకు వచ్చిన పవన్-త్రివిక్రమ్ ల “అజ్ఝాతవాసి” అట్టర్ ప్లాప్ గా తేలింది. దీనికి తోడు దర్శకుడు త్రివిక్రమ్ పై విమర్శలు మొదలయ్యాయి. కథ కాపీ, దర్శకత్వం ఆయన రేంజ్ లో లేదని విమర్శలు వచ్చాయి. ఇవన్నీ దృష్టిలో పెట్టుకొన్న త్రివిక్రమ్-ఎన్టీఆర్ కాంబినేషన్ లో వస్తున్న “అరవింద సమేత” విషయంలో చాలా జాగ్రత్తలు తీసుకొంటున్నాడట త్రివిక్రమ్ శ్రీనివాస్. ముఖ్యంగా త్రివిక్రమ్ మేకింగ్ స్టైల్లో వచ్చిన మార్పు ఆయన సన్నిహితులను, డైరెక్షన్ టీం ను ఆశ్చర్యానికి గురి చేస్తోంది.
అందుకు ఉదాహరణ “అరవింద సమేత” తాజా యూరప్ షెడ్యూల్. నిజానికి సాంగ్ షూట్స్ కోసం హీరోహీరోయిన్లతో దర్శకుడు త్రివిక్రమ్ తప్పకుండా వెళ్తుంటాడు. కానీ.. ఎన్టీఆర్-పూజా హెగ్డే కాంబినేషన్ లో “అనగనగనగా” పాట చిత్రీకరణ కోసం త్రివిక్రమ్ వెళ్లలేదు. ఇక్కడే హైద్రాబాద్ లో ఈషా రెబ్బ మీద “పెనివిటి” మాంటేజ్ సాంగ్ తోపాటు ఎడిటింగ్ కూడా చేస్తూ యమ బిజీగా గడిపాడట. ఎట్టి పరిస్థితుల్లోనూ “అరవింద సమేత” చిత్రాన్ని సూపర్ హిట్ గా నిలపాలనేది త్రివిక్రమ్ ధ్యేయం. మరి ఆ ధ్యేయం విజయ తీరం చేరుతుందో లేదో తెలియాలంటే ఇంకొన్ని రోజులు వెయిట్ చేయాల్సిందే.
Home